27-29 ماۋسىمدا الماتى قالاسىندا العاش رەت «New Vision: بيزنەس كۇشى» جاھاندىق بيزنەس-فورۋمى وتەدى، ول قازاقستانداعى جىلدىڭ ەڭ جارقىن، ءارى ماڭىزدى بيزنەس-وقيعاسى بولماق، دەپ حابارلايدى اlmaty-akshamy.kz.
ءۇش كۇن بويى وڭتۇستىك استانا قازاقستاندىق عانا ەمەس، سونىمەن قاتار شەتەلدىك بيزنەس-كوشباسشىلاردىڭ، كورنەكتى ساياسي قايراتكەرلەردىڭ جيىن ورتاسىنا اينالادى.
فورۋمنىڭ نەگىزگى تاقىرىپتارى AI داۋىرىندەگى جاھاندىق مەگاترەندتەرگە، بيزنەس پەن نارىقتارعا جانە وزگەرىستەر داۋىرىندەگى كوشباسشىلىققا ارنالادى.
وسىنداي اۋقىمدى ءىس-شارانى وتكىزىپ، ديالوگ الاڭىن قۇرۋعا سەبەپ - ايماقتىڭ دامۋى، حالىقارالىق بيزنەس قىزىعۋشىلىعىنىڭ ارتۋى جانە جەرگىلىكتى ستارتاپتاردىڭ ايتارلىقتاي ءوسۋى.
ءىس-شاراعا ءتۇرلى سالالار وكىلدەرى: بيزنەسمەندەر، ينۆەستورلار، تەحنولوگيالىق كوشباسشىلار، كوۋچتەر مەن ونەر قايراتكەرلەرى، ولاردىڭ ىشىندە ينتەرنەت نوۆاتورى - دجەفف حوففمان، Virgin Group نەگىزىن قالاۋشى - ريچارد برەنسون، جەتىستىك پسيحولوگياسى سالاسىنداعى الەمدىك ساراپشى - برايان ترەيسي، Astana Group يەسى، مەسەنات - نۇرلان سماعۇلوۆ، Kusto Group نەگىزىن قالاۋشى-سەرىكتەسى، YPO Kazakhstan ءتوراعاسى - قانات كوپبايەۆ، Freedom Holding يەسى - تيمۋر تۋرلوۆ، «Mr Body Language»، 15 بەستسەللەر اۆتورى - اللان پيز، BI Group اكسيونەرى، فيلانتروپ - ايدىن راحيمبايەۆ، پراساننا سانكار - قۇنى 11،5 ميلليارد دوللارعا باعالانعان Rippling قىزمەتكەرلەردى باسقارۋ ستارتاپىنىڭ نەگىزىن قالاۋشى جانە باسقا دا كورنەكتى كاسىپكەرلەر مەن ءوز سالاسىندا ۇزدىك قايراتكەرلەر قاتىسادى.
New Vision اياسىندا ءتۇرلى فورماتتار قاراستىرىلعان: پانەلدىك سەسسيالار، ۆوركشوپتار، كورمە، تالىمگەرلىك ايماعى، اشىق پىكىرتالاستار.
بيىل فورۋمعا ديماش قۇدايبەرگەن قاتىسپاق.
الەمگە ايگىلى ءانشى ءوزىنىڭ ەڭ تانىمال حيتتەرى مەن جاڭا اندەرىن ورىنداپ، ارنايى باعدارلاما ۇسىنادى.
ۇيىمداستىرۋشىلار قازاقستانداعى سۋ تاسقىنىنا بايلانىستى ءىس-شارادان تۇسكەن تابىستىڭ 50%-ىن زارداپ شەككەن وڭىرلەرگە اۋدارۋ تۋرالى شەشىم قابىلدادى.
ءىس-شارانى Nobel Fest الەمدىك عىلىمي فەستيۆالى Young Presidents Organization Kazakhstan (YPO)-مەن بىرلەسىپ ۇيىمداستىرادى.
كۇنى: 2024 جىلدىڭ 27-29 ماۋسىمى
ۋاقىتى: 08:00 - 18:00
وتەتىن جەرى: الماتى ق.، رەسپۋبليكا سارايى - نەگىزگى الاڭ، «قازاقستان» قوناق ءۇيى، «Novotel» قوناق ءۇيى.