ەلىمىزدە «مال ۇرلىعى» جەدەل-پروفيلاكتيكالىق ءىس-شاراسى ءوتتى.
وپەراسيانى ىسكە اسىرۋعا 4 مىڭنان اسا پوليسەي مەن اۋىل شارۋاشىلىعى باسقارمالارىنىڭ 400 مامانى جۇمىلدىرىلدى، دەپ حابارلايدى Almaty-akshamy.kz.
ۇرلانعان مال مەن ەت ونىمدەرىن ساتۋ فاكتىلەرىن انىقتاۋ ءۇشىن 3،5 مىڭنان اسا ەت بازارى، پاۆيلون جانە مال سويۋ سەحى تەكسەرىلدى.
«ءۇش كۇندە 141 مال ۇرلىعى اشىلىپ، 94 ادام ۇستالدى. ونىڭ ىشىندە 12 قىلمىستىق توپ بار. ۇرلانعان 360-تان استام مال تابىلىپ، يەلەرىنە قايتارىلدى. سونداي-اق ۆەتەريناريا سالاسىندا 800-گە جۋىق قۇقىقبۇزۋشىلىق جانە اۋىل شارۋاشىلىعى جانۋارلارىن جايۋ ەرەجەلەرىن بۇزۋدىڭ 2 مىڭعا جۋىق فاكتىسى انىقتالدى. بۇل باعىتتاعى جۇمىس جالعاسىپ جاتىر»، – دەدى ءىىم رەسمي وكىلى شىڭعىس الەكەشيەۆ.