ساباقتار ت-72 جانە بمپ-2 تانكى شتاتتىق تەحنيكاسىنىڭ تۇنگى كورۋ قۇرىلعىلارىن جوندەۋ بويىنشا روتا تەحنيكتەرىنىڭ ماماندارىن دايارلاۋدى كوزدەيدى.
كۋرستىڭ باعدارلاماسى بروندى تەحنيكاعا ەلەكتر قۇرىلعىلارىن ورناتۋ شەڭبەرىندەگى بازالىق جالپى ينجەنەرلىك دايىندىقتى ناقتىلايدى، دەپ حابارلايدى Almaty-akshamy.kz ق ر قورعانىس مينيسترلىگىنە سىلتەمە جاساپ.
كۋرس وسى جىلدىڭ اقپان-ناۋرىز ايلارى ارالىعىندا راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ بازاسىندا اسكەري راديوتەحنيكا جانە ەلەكترونيكا نەگىزدەرى كافەدراسى باستىعىنىڭ ورىنباسارى پودپولكوۆنيك نۇرجان زىكىريايەۆتىڭ باسشىلىعىمەن وتكىزىلىپ جاتىر. بيىل ق ر قارۋلى كۇشتەرى قۇرلىق اسكەرلەرىنىڭ 42 اسكەري قىزمەتشىسى باستاپقى كۋرستان وتەدى.
قۇرىلىستىڭ نەگىزدەرى مەن پرينسيپتەرىن، جۇمىس ەرەكشەلىكتەرىن، تۇنگى كورۋ قۇرىلعىلارىنىڭ تيپتىك سحەمالارىنىڭ سيپاتتامالارى مەن ولشەمدەرىن ۇيرەنۋ، سونىمەن قاتار اقاۋلاردى انىقتاۋ جانە جويۋدى ەسەپتەۋ داعدىلارى مەن پراكتيكالىق جۇمىستاردى قالىپتاستىرۋ كۋرستىڭ نەگىزگى ماقساتى بولىپ تابىلادى.
«باستى مىندەتىمىز – ينجەنەرلىك-تەحنيكالىق قىزمەت ماماندارىن وقىتۋ جانە جوعارى ساپالى كاسىبي دايارلىققا قول جەتكىزۋ. تاجىريبەلىك داعدىلاردى قالىپتاستىرۋعا دا ەرەكشە نازار اۋدارىلادى»، – دەپ اتاپ ءوتتى پودپولكوۆنيك ن. زىكىريايەۆ.
العاشقى ءۇش توپتاعى 29 اسكەري وقۋىن اياقتاپ ۇلگەردى. ناۋرىز ايىنىڭ سوڭىنا دەيىن تاعى بىرنەشە توپ وقىتىلادى.
پودپولكوۆنيك نۇرجان زىكىريايەۆ قارۋ-جاراق پەن اسكەري تەحنيكاداعى تۇندە كورۋدى جاقسارتاتىن وپتيكالىق-ەلەكتروندىق جۇيەنىڭ ءپروتوتيپىن ازىرلەۋگە قاتىسقانىن اتاپ وتكەن ءجون. جۇيە جاۋىنگەرلىك ماشينانىڭ ەكيپاجىنا تابيعي جارىقتى پايدالانباي، قاراڭعىدا باقىلاۋعا جانە قوزعالۋعا مۇمكىندىك بەرەدى. ءپروتوتيپتى بروندالعان دوڭگەلەكتى مەن شىنجىر تاباندى تەحنيكادا دا قولدانۋعا بولادى. يننوۆاسيالىق جۇيە مەملەكەتتىك پوليگوندا سىناقتان ءوتتى جانە قازاقستان قارۋلى كۇشتەرىنىڭ باسقا دا ازىرلەمەلەرى اراسىندا ۇزدىك دەپ تانىلدى.