2025–2026 جىلدارداعى قىسقى ماۋسىمعا دايىندىق اياسىندا اۋىل شارۋاشىلىعى جانۋارلارىنا ارنالعان مال ازىعىن دايىنداۋ جۇمىستارى بەلسەندى جالعاسۋدا، - دەپ حابارلايدى Aqshamnews.kz.
جەرگىلىكتى اتقارۋشى ورگانداردىڭ مالىمەتىنشە، 24،7 ملن توننا ءشوپ (جوسپاردىڭ 100،9%-ى)، 1،8 ملن توننا پىشەندەمە (108،6%)، 2،7 ملن توننا قۇراماجەم (48،9%)، 1،8 ملن توننا سابان (88،0%)، 3،7 ملن توننا سۇرلەم (79،6%) دايىندالدى.
بەلسەندى جۇمىس سولتۇستىك قازاقستان وبلىسىندا (125، 2%)، اباي، اقمولا، اقتوبە، جامبىل، الماتى، قوستاناي، شىعىس قازاقستان وبلىستارىندا جانە شىمكەنت قالاسىندا (100%)، سونداي-اق جەتىسۋ وبلىسىندا (104،5%) جوسپار ورىندالعانى بايقالادى.
دايىندالعان مال ازىعىنىڭ كورسەتىلگەن كولەمدەرى جانۋارلاردى تولىققاندى ازىقتاندىرۋعا، جوسپارلى ءونىم مەن ءتول الۋعا، سونداي-اق مال باسىنىڭ ساقتالۋىن قامتاماسىز ەتۋگە مۇمكىندىك بەرەدى.
جالپى رەسپۋبليكاداعى مال ازىعىمەن قامتاماسىز ەتۋ جاعدايى تۇراقتى.