قازاقستان قۇراماسىنىڭ سپورتشىسى ماكسيم مەيىرلان دزيۋدودان تايلاندتىڭ بانگكوك قالاسىندا ءوتىپ جاتقان ازيا چەمپيوناتىندا ءۇشىنشى ورىن الدى.
قازاقستاندىق بالۋان 90 كەلىگە دەيىنگى سالماقتا ونەر كورسەتتى، دەپ حابارلايدى aqshamnews.kz ۇوك-كە سىلتەمە جاساپ.
ماكسيم مەيىرلان قولا مەدال ءۇشىن بولعان بەلدەسۋدە تاجىكستاندىق ۋميد رادجابوۆتى جەڭدى. ناتيجەسىندە قازاقستان قۇراماسىنىڭ قورجىنىنا كەزەكتى قولا جۇلدەنى سالدى.
ايتا كەتەيىك، ءدال وسى سالماقتا ەرماحان انۋاربەكوۆ تە قولا مەدال ءۇشىن كۇرەستى. الايدا ول جاپونيالىق كومەي كاۆاباتاعا ەسە جىبەردى.
وسىلايشا، قازاقستان قۇراماسىنىڭ قورجىنىندا ءتورت مەدال بار. بۇعان دەيىن عاليا تىنبايەۆا (48 كەلىگە دەيىن)، شەرزود داۆلاتوۆ (60 كەلىگە دەيىن) جانە باقىت قۇساقبايەۆا (57 كەلىگە دەيىن) قولا مەدال جەڭىپ العان بولاتىن.