كەندىرلى اۋەجايىنىڭ قۇرىلىس بارىسىن كولىك ءمينيسترى مارات قارابايەۆ تەكسەردى.
ءقازىر قۇرىلىس جۇمىستارى ەكى اۋىسىمدا اتقارىلىپ جاتىر، دەپ حابارلايدى aqshamnews.kz.
"مەردىگەر مەكەمە جەر جۇمىستارى مەن قازانشۇڭقىر قازۋ جۇمىستارىن اتقارۋدا. قۇرىلىسقا 60 بىرلىك ارنايى تەحنيكا مەن 80 مامان جۇمىلدىرىلدى. كەندىرلى ۇلكەن تۋريستىك الەۋەتكە يە. اتىراۋ، اقتوبە، ورال، الماتى، استاناعا بەس ىشكى اۆيارەيستى، سونداي-اق كورشى مەملەكەتتەرگە ءبىرقاتار حالىقارالىق اۆيارەيستەردى اشۋ ماسەلەسىن پىسىقتاپ جاتىرمىز"،- دەپ اتاپ ءوتتى مارات قارابايەۆ.
ەستەرىڭىزگە سالا كەتەيىك، جوبا اياسىندا 2200 مەترلىك ۇشۋ-قونۋ جولاعىن سالۋ كوزدەلگەن. اۋەجايدىڭ وتكىزۋ قابىلەتى ساعاتىنا 150 جولاۋشىنى قۇرايدى.
سونداي-اق بيىل اقتاۋ اۋەجايىنىڭ ۇشۋ-قونۋ جولاعىن جوندەۋ جۇمىستارى اياقتالادى. بۇل ىشكى جانە حالىقارالىق رەيستەر سانىن كوبەيتۋگە سەپتىگىن تيگىزبەك.