توتەنشە جاعدايلار ءمينيسترى سۋ تاسقىنى بولسا قىزمەتىنەن كەتۋگە دايىن ەكەنىن مالىمدەدى.
مينيستر شىڭعىس ءارىنوۆ باسشىلىقتىڭ كەز كەلگەن شەشىمىنە قارسى ەمەس ەكەن، دەپ حابارلايدى aqshamnews.kz.
«باسشىلىقتىڭ بارلىق شەشىمىنە دايىنمىن. 12 اي بولدى وسى قىزمەتتە جۇرگەنىمە. حالىق نە ايتادى، سونى ىستەيمىن. بارلىق شەشىمگە دايىنمىن»، - دەدى مينيستر.
42 جاستاعى مينيستر 2006-2022 جىلدارى قازاقستان رەسپۋبليكاسى مەملەكەتتىك كۇزەت قىزمەتىندە ءارتۇرلى وفيسەرلىك جانە باسشىلىق لاۋازىمداردا جۇمىس ىستەدى.
2022-2024 جىلدارى قازاقستان رەسپۋبليكاسى مەملەكەتتىك كۇزەت قىزمەتى باستىعىنىڭ ورىنباسارى – ق ر پرەزيدەنتى كۇزەت قىزمەتىنىڭ باستىعى بولدى. كەيىن قازاقستان رەسپۋبليكاسى مەملەكەتتىك كۇزەت قىزمەتىنىڭ گەنەرال-مايورى اتاعىن الدى.
شىڭعىس ءارىنوۆ 2024 جىلعى 6 اقپاننان باستاپ قازاقستان رەسپۋبليكاسىنىڭ توتەنشە جاعدايلار ءمينيسترى بولىپ سايلاندى.