ق ر پرالامەنتى ءماجىلىسىنىڭ دەپۋتاتتارى «ق ر سوت جۇيەسى مەن سۋديالارىنىڭ مارتەبەسى تۋرالى» كونستيتۋسيالىق زاڭعا وزگەرىستەر مەن تولىقتىرۋلار ەنگىزۋ تۋرالى» كونستيتۋسيالىق زاڭ جوباسىن ءبىرىنشى وقىلىمدا ماقۇلدادى، دەپ حابارلايدى almaty-akshamy.kz قازاقپاراتقا سىلتەمە جاساپ.
قۇجاتتى ارىپتەستەرىنە ءماجىلىس دەپۋتاتى ءنازيلا راززاق تانىستىرىپ، پارلامەنت ءماجىلىسىنىڭ زاڭناما جانە سوت-قۇقىقتىق رەفورما كوميتەتىنىڭ ءتوراعاسى ارمان قوجاحمەتوۆ قوسىمشا بايانداما جاسادى.
دەپۋتاتتار اتالمىش زاڭ جوباسىن ءبىرىنشى وقىلىمدا ماقۇلداپ داۋىس بەردى. ايتا كەتەيىك، اتالمىش زاڭ جوباسىنىڭ باستى ماقساتى – سوت جۇيەسىن ودان ءارى دامىتۋ.
«زاڭنامالىق وزگەرىستەر سۋديالاردىڭ كاسىبيلىگىن، سونداي-اق جاۋاپكەرشىلىگى مەن تاۋەلسىزدىگىن ارتتىرۋدى كوزدەيدى. بۇل ماقساتقا جەتۋ جولىندا باستى 3 باعىتقا نازار اۋدارىلدى. ول، ەڭ الدىمەن، سوت جۇيەسىن قارجىلاندىرۋعا بايلانىستى. سوتتاردىڭ قارجىلىق دەربەستىگى – سوت بيلىگى تاۋەلسىزدىگىنىڭ نەگىزگى كورسەتكىشتەرىنىڭ ءبىرى. سوندىقتان حالىقارالىق تاجىريبە بويىنشا سوت جۇيەسى بيۋدجەتىنىڭ مولشەرىن پايىزبەن بەلگىلەۋ ۇسىنىلادى»، - دەدى ءماجىلىس دەپۋتاتى ءنازيلا راززاق.