جينالعاندار سوعىس دالاسىندا قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الدى.
بۇگىن استانادا ءماجىلىس ءتوراعاسى ەرلان قوشانوۆ ءاليا مولداعۇلوۆانىڭ ەسكەرتكىشىنە گۇل شوعىن قويىپ، رۋحىنا تاعزىم ەتتى، دەپ حابارلايدى اlmaty-akshamy.kz.
سالتاناتتى ءراسىم ۇلى وتان سوعىسىنداعى جەڭىستىڭ 78 جىلدىعىنا وراي ءوتتى.
ءىس-شارادا پالاتا سپيكەرى، پارلامەنتتەگى ساياسي پارتيالار فراكسيالارىنىڭ باسشىلارى مەن قالا تۇرعىندارى سوعىس دالاسىندا قازا تاپقان جاۋىنگەرلەردى ءبىر مينۋت ۇنسىزدىكپەن ەسكە الدى.
ايتا كەتۋ كەرەك، سوعىس جىلدارى قازاقستاننان مايدانعا 1،2 ميلليوننان استام ادام اتتاندى، ولاردىڭ جارتىسى ەلگە ورالعان جوق. كوپتەگەن قازاقستاندىق سوعىستا كورسەتكەن ەرلىگى ءۇشىن ەڭ جوعارى جاۋىنگەرلىك ناگرادالارمەن ماراپاتتالدى.
سولاردىڭ ءبىرى – قازاق حالقىنىڭ داڭقتى قىزى، مەرگەن ءاليا مولداعۇلوۆا. ول قايتىس بولعاننان كەيىن كەڭەس وداعىنىڭ باتىرى اتاعىنا يە بولدى.