GSTC – تۋريزم مەن ساياحاتتى دامىتۋدىڭ جاھاندىق شارتتارىن بەلگىلەيتىن ۇيىم.
انتاليادا GSTC تۇراقتى تۋريزم كونفەرەنسياسى ءوتىپ جاتىر، دەپ حابارلايدى اlmaty-akshamy.kz.
تۇركيا بيىل العاش رەت GSTC تۇراقتى تۋريزم كونفەرەنسياسىن وتكىزىپ جاتىر. كونفەرەنسيا ەلدىڭ تۋريزم استاناسى – انتاليادا بۇگىن باستالىپ، 12 مامىردا اياقتالادى.
تۇراقتى تۋريزم مەن ساياحات ءۇشىن جاھاندىق ستاندارتتاردى بەلگىلەيتىن جانە وسى ستاندارتتاردى ىسكە اسىرۋدى قاداعالايتىن جاھاندىق تۇراقتى تۋريزم كەڭەسى (GSTC) بيىلعى باسقوسۋعا تۇركيانى تاڭدادى. GSTC – تۋريزم مەن ساياحاتتى دامىتۋدىڭ جاھاندىق شارتتارىن بەلگىلەي وتىرىپ، تۇراقتى دامىتۋدى قامتاماسىز ەتەتىن كوممەسريالىق ەمەس ۇيىم.
سونىمەن قاتار تۇراقتى ءتۋريزمنىڭ ەڭ وزەكتى ماسەلەلەرىن تالقىلاۋ ءۇشىن الەمدىك كوشباسشىلارمەن ءتۇرلى شارالاردى جۇزەگە اسىرادى. پاندەمياعا بايلانىستى ەكى جىل قاتارىنان ونلاين رەجيمدە وتكەن كونفەرەنسيالار سەرياسى بىلتىر يسپانيانىڭ سيەۆيليا قالاسىندا ۇيىمداستىرىلعان.
تۇركيا دا قاتىسقان 2022 GSTC تۇراقتى تۋريزم كونفەرەنسياسىندا 2023 كونفەرەنسياسىنىڭ تۇركيا ءتۋريزمدى العا جىلجىتۋ جانە دامىتۋ اگەنتتىگى (TGA) تاراپىنان بىلدىرىلگەن ۇسىنىستان كەيىن انتاليادا وتەتىنى جاريالاندى. جيىندا قاتىسۋشىلار ءۇشىن ارنايى دايىندالعان بەينەروليك كورسەتىلىپ، تۇركيانىڭ ۇلتتىق تۇراقتى تۋريزم باعدارلاماسى تالقىلاندى.
