ورتالىق سايلاۋ كوميسسياسى 19 ناۋرىزدا وتەتىن كەزەكتەن تىس ءماجىلىس سايلاۋىنا 25 شەتەلدىك بايقاۋشىنى اككرەديتتەدى، دەپ حابارلايدى Almaty-akshamy.kz.
«بۇگىنگى تاڭدا ورتالىق سايلاۋ كوميسسياسىنا سىرتقى ىستەر مينيسترلىگىنەن ءبىر شەت مەملەكەتتەن، 2 حالىقارالىق ۇيىمنان 25 بايقاۋشىنى اككرەديتتەۋ ۇسىنىلدى. ونىڭ ىشىندە پالەستينا مەملەكەتىنەن – 1، تمد-عا قاتىسۋشى مەملەكەتتەردىڭ پارلامەنتارالىق اسسامبلەياسىنان – 11، ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋروسىنان – 13 بايقاۋشى. اككرەديتاسيادان وتكىزۋ ءۇشىن كەلىپ تۇسۋىنە قاراي بايقاۋشىلار جونىندەگى دەرەكتەر جاڭارىپ وتىراتىن بولادى»، - دەدى وسك حاتشىسى مۇحتار ەرمان.
ونىڭ اتاپ وتۋىنشە، ەلىمىزدىڭ سىرتقى ىستەر مينيسترلىگى سايلاۋدى بايقاۋعا قاتىسۋ ءۇشىن حالىقارالىق جانە پارلامەنتارالىق ۇيىمدارعا، قازاقستانداعى ديپلوماتيالىق كورپۋسقا ءتيىستى شاقىرتۋ جىبەردى.
«ەكىجاقتى نەگىزدە وسك 34 شەت مەملەكەتتىك ورتالىق سايلاۋ كوميسسياسىنا شاقىرۋ جىبەرگەن بولاتىن»، - دەدى ول.
وسىدان كەيىن ورتالىق سايلاۋ كوميسسياسى 25 شەتەلدىك بايقاۋشىنى اككرەديتتەۋ تۋرالى قاۋلى قابىلدادى.