بۇل سۇراققا قارجى ءمينيسترى ەرۇلان جاماۋبايەۆ جاۋاپ بەردى.
ءمينيستردىڭ ايتۋىنشا، پارلامەنت پالاتالارىنا جىل سايىن 6،5 ميلليارد تەڭگە جۇمسالادى، دەپ حابارلايدى Almaty-akshamy.kz
قازاقستان پارلامەنتى ەكى پالاتادان تۇرادى. جوعارى پالاتا - سەنات، تومەنگى پالاتا - ءماجىلىس.
«ءماجىلىس پەن سەنات دەپۋتاتتارىنا قاراستىرىلعان قاراجات - بۇل اشىق اقپارات، رەسپۋبليكالىق بيۋدجەتتىڭ باپتارىندا كورسەتىلگەن. 2023 جىلعا پارلامەنتتىڭ ەكى پالاتاسىن قارجىلاندىرۋعا 6،5 ميلليارد تەڭگە بولىنگەن. بۇل جەردە جالاقىلارى بار، ءىسساپارعا باراتىن قاراجاتى بار، ۇشاق، تاۋلىكتىك قاراجات جانە تاعىسىن تاعى»، - دەدى جاماۋبايەۆ.
سەناتتا 50 دەپۋتات، ال ماجىلىستە 107 دەپۋتات بار. جاقىندا پرەزيدەنت تومەنگى پالاتانى تاراتىپ جىبەردى. كەلەسى ايدا ءماجىلىس سايلاۋى وتەدى.