سايلاۋ پروسەسى زامان تالاپتارىنا ساي جەتىلىپ كەلەدى.
«قازاقستان رەسپۋبليكاسىنىڭ كەيبىر كونستيتۋسيالىق زاڭدارىنا مەملەكەت باسشىسىنىڭ 2022 جىلعى 16 ناۋرىزداعى جولداۋىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» كونستيتۋسيالىق زاڭ جوباسىن ءبىرىنشى وقىلىمدا ماقۇلدادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
سونىمەن قاتار، پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەت باسشىسىنىڭ 2022 جىلعى 16 ناۋرىزداعى جولداۋىن ىسكە اسىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن دا ءبىرىنشى وقىلىمدا ماقۇلدادى.
كونستيتۋسيالىق زاڭنىڭ جوباسى 7 كونستيتۋسيالىق زاڭعا تۇزەتۋلەر ەنگىزۋدى كوزدەيدى. زاڭنىڭ جوباسىندا 51 زاڭعا، ونىڭ ىشىندە 15 كودەكسكە تۇزەتۋلەر ەنگىزۋ قاراستىرىلعان.
«بىرىنشىدەن، پرەزيدەنتكە قاتىستى تۇزەتۋلەر ەسكەرىلگەن. زاڭ جوبالارى پرەزيدەنتتىڭ جەرگىلىكتى اتقارۋشى ورگاندارعا جانە جوعارعى سوت كەڭەسىنە قاتىستى جەكەلەگەن وكىلەتتىلىكتەردى، سەناتتاعى «پرەزيدەنتتىك كۆوتانى» قىسقارتۋ، سونىمەن قاتار پرەزيدەنت لاۋازىمىن اتقارۋ كەزەڭىندە ەنگىزىلەتىن جەكەلەگەن شەكتەۋلەر بويىنشا تۇزەتۋلەردى قامتيدى. ەكىنشىدەن، پارلامەنتتىڭ قىزمەتىنە، ياعني پارلامەنت پالاتالارىن قالىپتاستىرۋ تارتىبىنە قاتىستى تۇزەتۋلەر قامتىلعان. سايلاۋ جۇيەسىنىڭ ارالاس مودەلىنە كوشۋىنە جانە قازاقستان حالقى اسسامبلەياسىنىڭ ۇسىنىسى بويىنشا «پرەزيدەنتتىك كۆوتانى» قولدانۋ ءتارتىبىنىڭ وزگەرۋىنە بايلانىستى تۇزەتۋلەر وسى زاڭ جوبالارىنىڭ اياسىندا قاراستىرىلعان. بۇدان باسقا، كونستيتۋسياعا ەنگىزىلگەن تۇزەتۋلەرگە سايكەس، پارلامەنتتىڭ ءبىرقاتار جاڭا وكىلەتتىكتەرى بويىنشا تۇزەتۋلەر بار»، - دەدى ق ر ادىلەت ءمينيسترى قانات مۋسين.
بۇدان بولەك، كونستيتۋسياعا ەنگىزىلگەن تۇزەتۋلەرگە سايكەس، ەندى ۇكىمەتكە زاڭدى كۇشىنە ەنگەن ۋاقىتشا قاۋلىلاردى قابىلداۋ بويىنشا وكىلەتتىلىكتەر بەرىلەدى. مۇنداي اكتىلەر ايرىقشا بولىپ سانالادى. وسىنداي اكتىلەردى نەگىزسىز قابىلداۋ تاۋەكەلدەرىن ازايتۋ تالاپتارى جانە باسقا جاعدايلار وسى زاڭ جوبالارىندا قاراستىرىلعان.
«كەلەسى تۇزەتۋلەر سايلاۋ زاڭناماسىنا قاتىستى. دەمەك، سايلاۋ جۇيەسىنىڭ ارالاس مودەلىنە كوشۋىنە بايلانىستى سايلاۋدى وتكىزۋدىڭ جۇيەسى تولىعىمەن قايتا قۇرىلادى. سايلاۋ پروسەسى زاماننىڭ تالاپتارىنا ساي جەتىلىپ كەلەدى. دەپۋتاتتىق مانداتتى كەرى قايراتىپ الۋ جاڭا ينستيتۋتى ەنگىزىلەدى. اۋىل، جانە وبلىستىق ماڭىزى بار قالالارىنىڭ اكىمدەرىن سايلاۋ كەزەڭ-كەزەڭىمەن ەنگىزىلەدى»، - دەدى ۆەدومستۆو باسشىسى.
زاڭ جوبالارىندا ساياسي پارتيالاردى تىركەۋ تارتىپتەرىنە قاتىستى تۇزەتۋلەر قامتىلعان. ساياسي پارتيالاردى تىركەۋ ءۇشىن ونىڭ ساندىق مەجەسى 20 مىڭنان 5 مىڭ ادامعا دەيىن، ساياسي پارتيالاردىڭ ايماقتارداعى وكىلدىكتەرىنىڭ سانى 600-دەن 200-گە دەيىن، ساياسي پارتيانى قۇرۋ كەزىندەگى باستاماشىل توپ ازاماتتارىنىڭ سانى 1 مىڭنان 700-گە دەيىن قىسقارتىلادى.
«جەر جانە ونىڭ قويناۋى، سۋ كوزدەرى، وسىمدىكتەر مەن جانۋارلار دۇنيەسى، باسقا دا تابيعي رەسۋرستاردى حالىق مەنشىگى دەپ تانۋ بويىنشا كونستيتۋسيانىڭ 6-بابىنا قابىلدانعان ناقتى تۇزەتۋلەر ەنگىزۋ ۇسىنىلادى»، - دەدى قانات مۋسين.
بۇدان بۇرىن حابارلانعانداي، 2023 جىلدان باستاپ قاناتقاقتى رەجيمدە اۋداندار مەن وبلىستىق ماڭىزى بار قالالار اكىمدەرىن سايلاۋ وتكىزىلەتىن بولادى.