پارلامەنت ءماجىلىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك جاستار ساياساتى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارايدى، دەپ حابارلايدى almaty-akshamy.kz قازاقپاراتقا سىلتەمە جاساپ.
«اتالعان زاڭ جوباسى مەملەكەتتىك جاستار ساياساتى سالاسىنداعى قوعامدىق قاتىناستاردى ءتيىمدى رەتتەۋگە باعىتتالعان. زاڭ جوباسىنىڭ ەرەجەلەرى جاستاردىڭ الەۋمەتتىك-ەكونوميكالىق قۇقىقتارىن قامتاماسىز ەتۋ، ءبىلىم بەرۋ، جۇمىسقا ورنالاسۋ، مەديسينالىق قىزمەت كورسەتۋ، سيفرلىق ساۋاتتىلىقتى ارتتىرۋ جانە جاستار اراسىندا ۆولونتەرلىك قىزمەتتى دامىتۋ مەحانيزمدەرىن رەتتەيدى»، - دەدى دەپۋتات ءجاميلا نۇرمانبەتوۆا ءماجىلىستىڭ جالپى وتىرىسىندا.
وسى ورايدا ول ءماجىلىستىڭ الەۋمەتتىك-مادەني دامۋ كوميتەتى قۇجات بويىنشا قورىتىندىنى 2022 جىلعى 28 جەلتوقسانىنا دەيىن ازىرلەۋگە دايىن ەكەنىن ايتتى.