الماتى اۋەجايى شتاتتىق رەجيمدە جۇمىس ىستەيدى. بۇل تۋرالى اۋەجايدىڭ باسپا ءسوز قىزمەتى ءمالىم ەتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«الماتى اۋەجايى شتاتتىق رەجيمدە جۇمىس ىستەيدى. الماتى حالىقارالىق اۋەجايى اۋماعىندا قاۋىپسىزدىك شارالارىنىڭ كۇشەيۋىنە بايلانىستى جولاۋشىلاردان رەيسكە الدىن الا كەلۋلەرىڭىزدى سۇرايمىز. بۇرىن جولاۋشىلار ەكى ساعات بۇرىن كەلسە، ەندى 3،5 ساعات ەرتە كەلگەنى دۇرىس - دەلىنگەن حابارلامادا.
ەسكە سالايىق، الماتى مەن ماڭعىستاۋ وبلىسىندا توتەنشە جاعداي ەنگىزىلگەن بولاتىن. سونىمەن قاتار، الماتىنىڭ تىنىشتىعى مەن بەيبىت ءومىرىن ساقتاۋ ماقساتىندا قۇقىق قورعاۋ ورگاندارى قاجەتتى شارالاردى قابىلداۋدا. ءقازىر قالاداعى جاعداي بيلىك باقىلاۋىنا الىندى.