زاڭ جوباسىندا الدىمەن ازاماتتاردىڭ قاۋىپسىزدىگىن قامتاماسىز ەتۋگە باسىمدىق بەرىلىپ وتىر.
ءماجىلىس دەپۋتاتتارى “جاساندى ينتەللەكت تۋرالى” زاڭ جوباسىن ءبىرىنشى وقىلىمدا ماقۇلدادى، دەپ حابارلايدى aqshamnews.kz
"ەكىنشىدەن، زاڭ وسى سالاداعى ازىرلەۋشىلەر مەن ينۆەستورلار ءۇشىن تۇسىنىكتى جانە اشىق "ويىن ەرەجەلەرىن" جاسايدى. ۇشىنشىدەن، زاڭ جوباسى ەكونوميكادا جاساندى ينتەللەكتتى ەنگىزۋ كەزىندە مەملەكەتتىڭ ءرولىن ايقىندايدى"، - دەيدى دەپۋتات ەكاتەرينا سمىشليايەۆا.
ونىڭ ايتۋىنشا، زاڭ جوباسىنىڭ ماڭىزدى بولىگى – ۇلتتىق جاساندى ينتەللەكت پلاتفورماسى. بۇل جاساندى ينتەللەكت ونىمدەرىن ازىرلەۋ مەن قولدانۋعا ارنالعان ءبىرىڭعاي ينفراقۇرىلىم بولادى.
"سونداي-اق، سالاعا قاتىسۋشىلاردىڭ قۇقىقتارى مەن مىندەتتەرى ناقتىلانادى. جاساندى ينتەللەكت جۇيە يەلەرى ءوز جۇيەلەرىن پايدالانۋ شارتتارىن بەلگىلەي الادى، ءوز قۇقىقتارىن قورعاي الادى جانە تاۋەكەلدەردى باسقارا الادى. ال پايدالانۋشىلار دەربەس دەرەكتەردى قورعاۋعا، جاساندى ينتەللەكت جۇيەلەرىنىڭ جۇمىسى تۋرالى حاباردار ەتۋگە جانە اۆتوماتتاندىرىلعان شەشىمدەرگە داۋ ايتۋ مۇمكىندىگىنە يە بولادى"، - دەدى سمىشليايەۆا.
بۇدان بىلاي جاساندى ينتەللەكت جۇيەلەرى تاۋەكەل دەڭگەيىنە قاراي جىكتەلەدى. ال كەيبىر جۇيەلەردى قولدانۋعا تىيىم سالىنادى.
بۇگىن ءماجىلىس دەپۋتاتتارى زاڭ جوباسىن ءبىرىنشى وقىلىمدا قابىلدادى. الدا تاعى ەكىنشى وقىلىم بار.