78460 اسكەري ءبولىمى مەن راديوەلەكترونيكا جانە بايلانىس اسكەري-ينجەنەرلىك ينستيتۋتىندا اسكەري قىزمەتشىلەردى شىعارىپ سالۋ ءراسىمى ءوتتى.
وتكەن كوكتەمدە اسكەرگە شاقىرىلعان مەرزىمدى قىزمەتتىڭ جۇزدەن استام ساربازى ۇيلەرىنە قايتتى، دەپ حابارلايدى aqshamnews.kz.
سالتاناتتى جاعدايداعى شىعارىپ سالۋ ءراسىمى، جاۋىنگەرلىك تۋمەن قوشتاسۋ جانە كومانديرلەردىڭ ىزگى تىلەكتەرى جاۋىنگەرلەردىڭ ەسىندە قالماق.
اسكەري قىزمەتشىلەرگە الماتى قالاسى مەن الماتى وبلىسى بويىنشا ساربازدار انالارى كوميتەتىنىڭ وكىلى تاتيانا تروپينا ءسوز سويلەدى.
– ءدال ءبىر جىل بۇرىن مەن سەندەردىڭ انت بەرگەندەرىڭە كۋا بولدىم. قىزمەت بارىسىندا ءبىز دوستاسىپ، جاقىن تۋىستارداي بولىپ كەتتىك. ازاماتتىق ومىردە ءارقايسىڭا ساتتىلىك تىلەيمىن، – دەپ اتاپ ءوتتى ول.
ۇلگىلى اسكەري ءتارتىبى مەن جاۋىنگەرلىك دايىندىقتاعى جاقسى كورسەتكىشتەرى ءۇشىن ءبىرقاتار ساربازدارعا كەزەكتى اسكەري اتاقتار بەرىلدى، گراموتالارمەن جانە ەستەلىك سىيلىقتارمەن ماراپاتتالىپ، اتا-انالارىنا العىس حاتتار جولداندى.
– سەندەر اسكەردە تارتىپكە باعىنىپ، اسكەري بىلىمگە ۇيرەندىڭدەر. سول ارقىلى وتاندى قورعاۋعا دايىن سانالى ادام بولىپ قالىپتاستىڭدار، – دەدى راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ باستىعى گەنەرال-مايور نۇرتاس قاباقوۆ.
ەستەرىڭىزگە سالا كەتەيىك، قورعانىس مينيسترلىگى اسكەرگە شاقىرىلۋشىلار اراسىندا موتيۆاسيانى ارتتىرۋعا باعىتتالعان «سروچنيكي 2.0» مەملەكەتتىك باعدارلاماسىن ىسكە اسىرۋعا ەرەكشە نازار اۋدارىپ وتىر. سونىڭ ارقاسىندا ساربازدار گرانتپەن اسكەري جانە ازاماتتىق جوعارى وقۋ ورىندارىندا وقۋعا مۇمكىندىك الدى. بيىلعى جىلى بۇل جوبا تەگىن وقىتۋمەن قاتار جاتاقحانامەن جانە شاكىرتاقىمەن قامتاماسىز ەتۋدى كوزدەپ وتىر.