«ءقاۋىپسىز جول» جەدەل-پروفيلاكتيكالىق ءىس-شاراسى اياسىندا الماتى قالاسىنىڭ اكىمشىلىك پوليسيا قىزمەتكەرلەرى جولاۋشىلار تاسىمالىمەن اينالىساتىن اۆتوكولىك كاسىپورىندارىن تەكسەرۋدە، دەپ حابارلايدى aqshamnews.kz
تەكسەرۋ بارىسىندا پوليسەيلەر جۇرگىزۋشىلەردى جەلىگە جىبەرۋ تارتىبىنە ەرەكشە نازار اۋداردى. اتاپ ايتقاندا، ساپار الدىنداعى باعىتتاردىڭ ناقتى بەلگىلەنۋى، مىندەتتى مەديسينالىق تەكسەرۋلەردىڭ ءوتۋى، كولىكتىڭ تەحنيكالىق جاعدايى مەن قاۋىپسىزدىك جۇيەلەرىنىڭ جارامدىلىعى، سونداي-اق جولاۋشىلاردى تاسىمالداۋ قۇقىعىن راستايتىن قۇجاتتار مۇقيات تەكسەرىلدى.
الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى دارحان ايىمبەتوۆتىڭ ايتۋىنشا، مۇنداي شارالار جول-كولىك وقيعالارىنىڭ الدىن الىپ، جولاۋشىلاردىڭ قاۋىپسىزدىگىن قامتاماسىز ەتۋگە مۇمكىندىك بەرەدى.
— جولاۋشىلاردىڭ قاۋىپسىزدىگى — جۇرگىزۋشىلەر ءۇشىن دە، تاسىمالداۋشىلار ءۇشىن دە باستى باسىمدىق بولۋى ءتيىس. ءبىز تەك قۇجاتتاردى تەكسەرىپ قويماي، ءاربىر قوعامدىق كولىكتىڭ جولعا زاڭعا ساي شىعۋىن قاداعالايمىز. بۇل – فورمالدىلىق ەمەس، بۇل – ادام ءومىرىنىڭ قاۋىپسىزدىگى، – دەدى دارحان ايىمبەتوۆ.