ادىلەتتى مەملەكەت
الماتى قالالىق ءماسليحاتىندا پرەزيدەنت قاسىم-جومارت توقايەۆتىڭ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى جولداۋىن تالقىلاۋ ءوتتى. ول قازاقستاندى ودان ءارى دامىتۋعا، ونىڭ ىشىندە الەۋمەتتىك-ەكونوميكالىق سالالاردى نىعايتۋعا، حالىقتىڭ ءال-اۋقاتىن ارتتىرۋعا جانە ساياسي ترانسفورماسيانى ىسكە اسىرۋعا باعىتتالعان، دەپ حابارلايدى Almaty-akshamy.kz.
كەزدەسۋدە ءماسليحات حاتشىسى ستانيسلاۆ كانكۋروۆ، پارتيا فراكسيالارى مەن تۇراقتى كوميسسيالاردىڭ جەتەكشىلەرى جانە دەپۋتاتتار كەنجەحان ماتىجانوۆ، اسيا اقانوۆا، نۇرسۇلتان شوقانوۆ، ماحامبەت حاسەنوۆ، فەدور كونستانتينوۆ، سەرىك ەسماتوۆ، ارايلىم شاموۆا ءسوز سويلەدى.
جولداۋ بارىسىندا پرەزيدەنت ماڭىزدى الەۋمەتتىك-قوعامدىق جانە ەكونوميكالىق ماسەلەلەردى كوتەردى، مەملەكەتتىك اپپاراتقا ءبىرقاتار تاپسىرمالار بەردى، شوب-تى قولداۋ بويىنشا ءتيىمدى شارالاردى جانە تاعى باسقالاردى ۇسىندى. قۇرىلىمدىق قايتا قۇرۋلار ساياسي جاڭعىرۋدىڭ جالعاسى بولۋعا ءتيىس.
قوعامدىق يگىلىكتەردىڭ جوعارى دەڭگەيىنە جانە حالىقتىڭ الەۋمەتتىك وسال ساناتتارىن، ونىڭ ىشىندە ەرەكشە قاجەتتىلىكتەرى بار ازاماتتاردى قولداۋعا كەپىلدىك بەرىلەدى.
«ءاربىر وتباسى ەلدىڭ ۇلتتىق بايلىعىن پايدالانۋدان ناقتى قايتارىم الۋعا ءتيىس. سوندىقتان مەن جاريالاعان بالالار جىلى اياسىندا «ۇلتتىق قور – بالالارعا» اتتى تۇبەگەيلى جاڭا باعدارلامانى باستاۋ وتە ماڭىزدى دەپ سانايمىن»، - دەدى پرەزيدەنت قاسىم-جومارت توقايەۆ.
ۇلتتىق قوردىڭ جىل سايىنعى ينۆەستيسيالىق تابىسىنىڭ 50%-ىن 18 جاسقا تولعانعا دەيىن بالالاردىڭ ارنايى جيناقتاۋشى شوتتارىنا مەرزىمىنەن بۇرىن الۋ قۇقىعىنسىز اۋدارۋ ۇسىنىلادى.
«پرەزيدەنت ەل ەكونوميكاسىن جەتىلدىرۋگە، ينفراقۇرىلىمدى دامىتۋعا، شاعىن جانە ورتا بيزنەستى قولداۋدى نىعايتۋعا، اۋىل شارۋاشىلىعى سەكتورىنىڭ قارقىندى وسۋىنە باسىمدىق بەردى. وسىمەن بىرگە سالىق كودەكسىن جانە وزگە دە ءبىرقاتار مەملەكەتتىك رەتتەۋ مەحانيزمدەرىن تۇبەگەيلى تۇردە قايتا قۇرۋعا نازار اۋداردى»، - دەدى ءماسليحات حاتشىسى ستانيسلاۆ كانكۋروۆ.
«بۇگىن پرەزيدەنتىمىز قاسىم-جومارت توقايەۆ ەل دامۋىنىڭ جاڭا كەزەڭىنە اياق باسقان شاعىندا حالىققا ءوز جولداۋىن جاسادى. اتالعان جولداۋدا ەلىمىزىڭ ءارى قاراي دامۋى ءۇشىن ءبىرقاتار ماڭىزدى باعىتتار ايقىندالىپ، ناقتى تاپسىرمالار بەرىلدى. حالىق ۇنىنە قۇلاق اساتىن مەملەكەت ەكەندىگىن تاعى دا دالەلدەپ، تۇرعىندار كوتەرگەن الەۋمەتتىك-ماڭىزدى سالالارعا دا تىڭ سەرپىن بەرەتىن جوبالاردى ۇسىندى»، - دەدى دەپۋتات سەرىك ەسماتوۆ.
«2022 جىلعى قازاقستان رەسپۋبليكاسىنىڭ پرەزيدەنتى قاسىم جومارت كەمەل ۇلى توقايەۆتىڭ جولداۋىنىڭ ەرەكشەلىگى جىلداعىدان اۋقىمى كەڭ، مازمۇندى بولدى. ءبىلىم سالاسىنا اسا نازار اۋدارىپ، «تاربيە تال بەسىكتەن باستالادى» دەپ باستادى. بىرىنشىدەن، بالاباقشا تاربيەشىلەرىنىڭ جالاقىسىن كوتەرۋ كەرەك. سونداي-اق، مەكتەپتەردە ساپالى ءبىلىم بەرۋدىڭ ماڭىزدىلىعى ايتىلدى. پرەزيدەنت جولداۋىنىڭ ەل حالقىنىڭ كۇندەلىكتى ءومىرىنىڭ وسىنداي ماڭىزدى اسپەكتىلەرىن قوزعاعانى قۋانتادى"، - دەدى دەپۋتات ارايلىم شاموۆا.
مەملەكەت باسشىسى ايتقان باسىمدىقتاردان ءۇزىندى:
- ءبىلىم الۋعا جىلدىق ءوسىمى 2-3 پايىز بولاتىن جەڭىلدەتىلگەن نەسيە دە بەرىلەدى.
- ستۋدەنتتەر جاتاقحانامەن قامتاماسىز ەتىلۋى ءتيىس. مەملەكەت، جوعارى وقۋ ورىندارى مەن قۇرىلىس كومپانيالارى بەلسەندى ىنتىماقتاسۋى قاجەت.
- 2023 جىلعى 1 قاڭتاردان باستاپ بالا كۇتىمى ءۇشىن تولەماقى تولەۋ مەرزىمىن ءسابي ءبىر جارىم جاسقا تولعانعا دەيىن ۇزارتىلادى. بالالاردىڭ ەڭ ماڭىزدى شاعىندا – ءسابي كەزىندە اتا-انالارى جانىندا كوبىرەك بولادى.
- وتباسىلىق زورلىق-زومبىلىق ءۇشىن جازانى قاتايتاتىن كەز كەلدى. ءبىراق، قالاي دەسەك تە، وتباسىلىق زورلىق-زومبىلىققا كوز جۇما قاراۋعا بولمايدى.