سايلاۋعا تۇسەتىن ۇمىتكەرلەر تولەيتىن جارنا سوماسى بەلگىلى بولدى.
ورتالىق سايلاۋ كوميسسياسى ءماجىلىس پەن ءماسليحات دەپۋتاتتىعىنا ۇمىتكەرلەر تولەۋى ءتيىس جارنانى بەكىتتى، دەپ حابارلايدى اlmaty-akshamy.kz
«سايلاۋ تۋرالى» زاڭعا سايكەس، ءماجىلىس دەپۋتاتتىعىنا ءاربىر كانديداتتىڭ تالاپتارعا سايكەستىگى تەكسەرىلگەن سوڭ، ورتالىق سايلاۋ كوميسسياسىنىڭ شوتىنا ەڭ تومەنگى جالاقىنىڭ 15 ەسەلەنگەن مولشەرىندە سايلاۋ جارناسىن ەنگىزۋ مىندەتى بەلگىلەنەدى. ەنگىزىلگەن جارنا ەگەر سايلاۋ قورىتىندىلارى بويىنشا كانديدات پارلامەنت ءماجىلىسىنىڭ دەپۋتاتى بولىپ سايلانسا نەمەسە داۋىس بەرۋ قورىتىندىلارى بويىنشا داۋىس بەرۋگە قاتىسقان سايلاۋشىلاردىڭ كەمىندە 5% جيناسا، سونداي-اق كانديدات قايتىس بولعان جاعدايدا قايتارىلادى»، - دەدى ق ر ورتالىق سايلاۋ كوميسسياسىنىڭ مۇشەسى اسىلبەك سماعۇلوۆ كوميسسيا وتىرىسىندا.
ەلىمىزدە 2023 جىلعا ەڭ تومەنگى جالاقى مولشەرى 70 مىڭ تەڭگە بولىپ بەلگىلەنگەن. وسىلايشا، ءماجىلىس دەپۋتاتتىعىنا سايلاۋ جارناسى 1 ملن 50 مىڭ تەڭگەنى قۇرايدى.
«ءماسليحات دەپۋتاتتىعىنا كانديداتتىڭ سايلاۋ جارناسى ەڭ تومەنگى 5 جالاقىنى (350 مىڭ تەڭگە) قۇرايدى. ەنگىزىلگەن جارنا ەگەر سايلاۋ قورىتىندىلارى بويىنشا كانديدات ءماسليحات دەپۋتاتى بولىپ سايلانعان نەمەسە داۋىس بەرۋ ناتيجەلەرى بويىنشا سايلاۋشىلار داۋسىنىڭ كەمىندە 5% جيناسا، سونداي-اق كانديدات قايتىس بولعان جاعدايدا ەنگىزىلگەن جارنا كانديداتقا قايتارىلادى»، - دەدى ا. سماعۇلوۆ.
ەسكە سالا كەتسەك، 19 ناۋرىزدا پارلامەنت ءماجىلىسى مەن ءماسليحاتتار دەپۋتاتتارىنىڭ كەزەكتەن تىس سايلاۋى وتەدى.
18 ناۋرىز – تىنىشتىق كۇنى، ال 19 ناۋرىز – سايلاۋ كۇنى.