كەزەكتەن تىس سايلاۋ 2023 جىلدىڭ 19 ناۋرىزىندا وتەدى.
ورتالىق سايلاۋ كوميسسياسى ءماجىلىس پەن ءماسليحات دەپۋتاتتارىن كەزەكتەن تىس سايلاۋعا قاتىسا الاتىن پارتيالار ءتىزىمىن جاريالادى، دەپ حابارلايدى اlmaty-akshamy.kz.
سايلاۋ تۋرالى زاڭ تالاپتارىنا سايكەس، پارتيالىق تىزىمدەر بويىنشا 70 پايىزى سايلاناتىن پارلامەنت ءماجىلىسىنىڭ دەپۋتاتتىعىنا كانديداتتاردى ۇسىنۋ قۇقىعى تەك ساياسي پارتيالارعا عانا تيەسىلى.
ءتىزىم بويىنشا:
«قازاقستاننىڭ حالىق پارتياسى» – 2002 جىلى ءساۋىر ايىندا تىركەلگەن؛
«اۋىل» حالىقتىق-دەموكراتيالىق پاتريوتتىق پارتياسى – 2000 جىلى ناۋرىز ايىندا تىركەلگەن؛
«جالپىۇلتتىق سوسيال-دەموكراتيالىق پارتياسى» – 2007 جىلى قاڭتار ايىندا تىركەلگەن؛
AMANAT پارتياسى – 1999 جىلى اقپان ايىندا تىركەلگەن؛
«اق جول» قازاقستاننىڭ دەموكراتيالىق پارتياسى – 1999 جىلى اقپان ايىندا تىركەلگەن؛
«بايتاق» قازاقستاندىق جاسىلدار پارتياسى – 2022 جىلى قاراشا ايىندا تىركەلگەن؛
«رەسپۋبليكا» پارتياسى – 2023 جىلى قاڭتار ايىندا تىركەلگەن.
وسى اتالعان ساياسي پارتيالاردىڭ جارلىقتارىندا پارتيا ءماجىلىس، ءماسليحات دەپۋتاتتىعىنا كانديداتتار ۇسىنۋعا قۇقىلى ەكەنى كوزدەلگەن.