ماسكەۋدە وتكەن «چەمپيوندار ليگاسىندا» ارتۋر مۋسييەۆ ءبىرىنشى ورىن الدى.
17 قاڭتاردا ماسكەۋدە BetBoom «چەمپيوندار ليگاسى» ءوز مارەسىنە جەتتى، دەپ حابارلايدى اlmaty-akshamy.kz
ءدۇبىرلى دوداعا حالىقارالىق پيراميدا كونفەدەراسياسىنىڭ نۇسقاسى بويىنشا ەڭ مىقتى 8 ويىنشى قاتىستى. بيىلعى ماۋسىمدا تۋرنيرگە قازاقستان اتىنان ارتۋر مۋسييەۆ قاتىستى. ول ءتورت حالىقارالىق دارەجەدەگى سپورت شەبەرىن جەڭىپ، چەمپيون اتاندى.
جانكۇيەرلەر ويىننىڭ تىكەلەي ترانسلياسياسىن تاماشالادى. قازاقستاندىق بيلياردتىڭ جانكۇيەرلەرى ارتۋر مۋسييەۆكە زور قولداۋ كورسەتتى.
«بيليارد - شەبەرلىكتى شىڭدايتىن ويىن. اسا دالدىك قاجەت. ءسال قيىس كوزدەسەڭىز، شار باسقا جاققا كەتەدى. ال ءدوپ تۇسسەڭىز، ۇتاسىز. سول ءدوپ ءتۇسۋ ءۇشىن دە ەپتىلىك پەن قاجىر-قايرات كەرەك. ءسال عانا بوساڭسىپ قالساڭىز، قارسىلاس ۇرىمتال تۇستى باعىپ تۇرادى. سول ءۇشىن كۇندەلىكتى تاڭعى 11-دەن كەشكى 6-عا دەيىن دەمالىسسىز جاتتىقتىم. مەنىڭ قارسىلاستارىم وڭاي بولعان جوق، ولاردىڭ كوپشىلىگى - الەم چەمپيوندارى. ۇلكەن قاتەلىككە بوي الدىرماۋ ءۇشىن بارىمىزدى سالا بىلدىك»، – دەدى جەڭىمپاز ارتۋر مۋسييەۆ.
«بۇل تۋرنيردەگى جەڭىسىمدى ۇلكەن جەتىستىك دەپ سانايمىن. بيليارد - وتە پايدالى ويىن، بۇعان وتە دالدىك كەرەك جانە ۇرىمتال ءساتتى كۇتۋ قاجەت. بيليارد باسقا سپورت تۇرلەرىنە ۇقسامايدى، تاباندىلىق پەن تارتىپكە باۋليدى»، - دەپ اعىنان جارىلدى سپورتشى.
قازاقستاندىق بيليارد شەبەرى ءوز تاجىريبەسىمەن ءبولىسىپ، جاس سپورتشىلارعا اقىل-كەڭەسىن ايتا ءوتتى.
«بيلياردقا قۇشتار جاستار كوپ. ءبىر نارسە انىق. بارلىعى ەڭبەكتىڭ ارقاسىندا بولادى. ءاردايىم جاتتىعۋلارعا قاتىسىپ، جاتتىقتىرۋشىمەن بىرگە دايىندالساڭىز، ناتيجەسىن كورەسىز. ول ءۇشىن ىنتا كەرەك. سوندا عانا حالىقارالىق جارىستاردا جەڭىسكە جەتەسىز. بۇل ەلدىڭ دە ابىرويى بولادى»، – دەدى . مۋسييەۆ.