ماجارستان پارلامەنتى كونستيتۋسيالىق سوتىنىڭ ءتوراعاسى تاماش شۋيوكتى رەسپۋبليكانىڭ جاڭا پرەزيدەنتى ەتىپ سايلادى. بۇل تۋرالى Anadolu Ajansi اگەنتتىگى جازدى، دەپ حابارلايدى اlmaty-akshamy.kz.
شۋيوكتىڭ كانديداتۋراسىنا 134 دەپۋتات داۋىس بەرسە، بەس دەپۋتات قارسى بولدى.
شۋيوك زاڭ كەڭەسشىسى، زاڭگەر جانە اۆستريانىڭ قۇرمەتتى كونسۋلى بولعان. ول 10 جىل بويى كونستيتۋسيالىق سوتتىڭ مۇشەسى، 2016 جىلدان بەرى ونىڭ ءتوراعاسى قىزمەتىن اتقارىپ كەلەدى.
10 اقپاندا ماجارستاننىڭ بۇرىنعى پرەزيدەنتى كاتالين نوۆاك جەتىمدەر ۇيىندەگى جىنىستىق زورلىق-زومبىلىق ءىسىن جاسىردى دەپ ايىپتالعان ەر ادامنىڭ كەشىرىلۋىنە قاتىستى جانجالدان كەيىن وتستاۆكاعا كەتەتىنىن مالىمدەدى. ونىڭ ورنىنا شۋيوك وتىردى.
انىقتاما ءۇشىن، ماجارستان پرەزيدەنتى – بارلىق ۆەنگرلەردى بىرىكتىرۋگە ءتيىس ساياسي قايراتكەر جانە ەل ازاماتتارى ونىڭ باستى ءرولىن وسىدان كورەدى. سونىمەن بىرگە ونىڭ وكىلەتتىگى ايتارلىقتاي شەكتەۋلى (زاڭدارعا قول قويادى، سايلاۋ مەرزىمىن بەلگىلەيدى، سۋديالاردى تاعايىندايدى جانە ت.ب.). ماجارستان - پارلامەنتتىك رەسپۋبليكا، وندا نەگىزگى بيلىك پرەمەر-مينيستر مەن ۇكىمەتتىڭ قولىندا.