زەرگەرلىك بۇيىم ساتۋشىلارىنا جارتى ميلليون تەڭگە كولەمىندە شىعىن كەلتىرىلدى.
قاسكوي ساتىپ الۋشى رەتىندە كەلىپ، باعالى بۇيىمداردى بىلدىرمەي ۇرلاپ، “ءىزىن سۋىتقان”. تاۋاردىڭ جەتىسپەۋشىلىگىن بايقاعان ءۇش كاسىپكەر پوليسياعا ارىزداندى. ءال-فارابي اپب-نىڭ جەدەل ۋاكىلدەرى بەينەباقىلاۋ كامەرالارىنداعى جازبالاردى تەكسەرىپ، ۇرىنىڭ جەكە باسىن انىقتادى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ول بۇرىن-سوندى ۇرلىق جاساعانى ءۇشىن بىرنەشە رەت سوتتالعان الماتى تۇرعىنى بولىپ شىقتى. ءتارتىپ ساقشىلارى ونى تۇرعىلىقتى جەرىنەن ۇستادى. كۇدىكتى زەرگەرلىك بۇيىمداردى لومباردقا ساتىپ ۇلگەرگەنى بەلگىلى بولدى. قازىرگى تاڭدا ايەل قاماۋدا. قۇقىق قورعاۋشىلار ونىڭ باسقا دا ۇقساس جايتتارعا قاتىسى بار بولۋى مۇمكىن ەكەنىن اتاپ ءوتتى. پوليسيا قىزمەتكەرلەرى باعالى زاتتاردىڭ ۇرلانباۋى ءۇشىن اسا قىراعى بولۋ جانە ولاردى مۇمكىندىگىنشە ۇرىلاردىڭ قولى جەتپەيتىن جەرلەردە ساقتاۋ قاجەتتىگىن ەسكە سالادى.