مايمىل شەشەگىنىڭ اۋىر اعىمىندا ناۋقاستا ميدىڭ قابىنۋى (ەنسەفاليت) دامۋى مۇمكىن.
ال قايتالاما باكتەريالىق ينفەكسيا جالپىلانعان كەزدە، سەپسيس پايدا بولۋى مۇمكىن، دەپ حابارلايدى Almaty-akshamy.kz COVID-19 تارالۋىنا جول بەرمەۋ جونىندەگى ۆاك-تىڭ Telegram كانالىنا سىلتەمە جاساپ.
"مايمىل شەشەگىنىڭ اسقىنۋلارىنا قايتالاما باكتەريالىق ينفەكسيالار كىرۋى مۇمكىن. بۇل باكتەريالاردىڭ ەنۋىنە بايلانىستى شەشەكتەردىڭ جاپپاي ىرىڭدەۋى بولعان جاعدايدا پايدا بولادى، اسىرەسە، قاتتى بورتپەلەر ءقاۋپى جوعارى" - دەدى رەسەي ەپيدەميولوگى.
بورتپەلەر شىرىشتى قاباتتاردا پايدا بولعاندىقتان، اۋىز قۋىسىنىڭ ينفەكسياسى، سونداي-اق تىنىس الۋ مۇشەلەرى، اتاپ ايتقاندا پنيەۆمونيا دامۋى مۇمكىن،- دەدى پشەنيچنايا.
ينفەكسيادان كەيىن تەرىدە تىرتىقتار، گيپەرپيگمەنتاسيا (داقتار) نەمەسە كەرىسىنشە گيپوپيگمەنتاسيا قالۋى مۇمكىن. سونىمەن قاتار، بالالاردا اۋرۋ كۇردەلەنە تۇسەدى جانە اسقىنۋلار ءجيى داميدى. يممۋنيتەتى تومەن ادامداردا (اسىرەسە، ايتۆ جۇقتىرعان) اۋرۋدىڭ اۋىر ءتۇرىنىڭ دامۋ ءقاۋپى جوعارى بولادى.
ال روبەرت كوح ينستيتۋتى العاش رەت گەرمانيادا جاسوسپىرىمدەردەگى مايمىل شەشەگىنىڭ ەكى جاعدايى تۋرالى حابارلادى.
ۆەدومستۆونىڭ مالىمەتىنشە، شتۋتگارت پەن ەرفۋرتتا اۋرۋدى جۇقتىرعان 15 جانە 17 جاستاعى جاسوسپىرىمدەر تۋرالى ايتىلىپ وتىر. گەرمانياداعى جاعدايلاردىڭ جالپى سانى 2 724 ادامدى قۇرادى، اۋرۋ بارلىق 16 فەدەرالدى شتاتقا اسەر ەتتى،- دەپ حابارلادى ينستيتۋت.
بۇرىن اۋرۋ، ەڭ الدىمەن، ەر ادامدار اراسىنداعى جىنىستىق قاتىناس ناتيجەسىندە بەرىلەتىنى تۋرالى حابارلانعان. مايمىل شەشەگى ءالى كۇنگە دەيىن گەرمانياداعى بەس ايەلدە عانا كەزدەسەدى. گەرمانيادا مايمىل شەشەگىنىڭ العاشقى جاعدايلارى مامىر ايىندا تىركەلدى. روبەرت كوح ينستيتۋتى گەرمانياداعى جالپى حالىقتىڭ دەنساۋلىعىنا ىقتيمال قاۋىپتىلىگىن "شەكتەۋلى" دەپ باعالايدى جانە جاعدايدىڭ دامۋىن مۇقيات قاداعالايدى.