الماتىدا قوعامدىق دارەتحانا جوباسى ازىرلەنىپ جاتىر

الماتىدا قوعامدىق اجەتحانالار ورناتۋ جوباسى دايىندالىپ جاتىر.

بۇل تۋرالى قالا اكىمى ەربولات دوسايەۆ بوستاندىق اۋدانى تۇرعىندارىمەن وتكەن كەزدەسۋدە  ايتتى، دەپ حابارلايدى Almaty-akshamy.kz  قازاقپاراتقا سىلتەمە جاساپ.

الماتى اكىمىمەن كەزدەسۋگە كەلگەن بوستاندىق اۋدانىنىڭ تۇرعىندارى قالا باسشىسىنان ءال-فارابي داڭعىلىنداعى پرەزيدەنت ساياباعىنا قوعامدىق دارەتحانا ورناتىپ بەرۋدى سۇرادى.

«جاڭا جوبا ازىرلەنىپ جاتىر. سونىڭ اياسىندا ساياباقتىڭ ىشىندە دارەتحانالار بولادى. ولاردىڭ جاقسى بولۋىن دا ەسكەرەمىز. وكىنىشكە وراي، جالپى، قالاداعى قوعامدىق دارەتحانالار – ءوز الدىنا بولەك ماسەلە. ءقازىر بىزدە قالادا سالىنعان 20 دارەتحانا تۋرالى شەشىم قابىلدادىق. جاڭا باسقارۋشى كومپانيا مۇنىمەن قالاي كۇرەسەتىنىن كورەيىك»،- دەدى ول. اكىم ءوزىنىڭ ورىنباسارىنا ساياباققا قانشا اجەتحانا قاجەت ەكەنىن انىقتاۋدى تاپسىردى. «ماعان 4 دارەتحانانى كورسەتتى. دەگەنمەن قاجەت بولسا، ولاردىڭ اراسىنداعى قاشىقتىقتى ازايتىپ، بالالار مەن قارتتارعا قولجەتىمدىلىكتى ارتتىرۋ ءۇشىن ساياباقتاعى دارەتحانا سانىن كوبەيتۋگە بولادى دەپ ويلايمىن»،- دەدى ەربولات دوسايەۆ.