استانادا كولىكتەرگە دىمقىل مايلىق پەن حات سالىنعان قالتاشالار ءىلىپ كەتەتىندەر كوبەيگەن.
stankznewsء-تىڭ جازۋىنشا، ەلوردالىقتار مۇنى كوشەدە ءجيى كەزدەستىرەتىنىن ايتادى.
ولاردىڭ ايتۋىنشا، مۇنداي "سىيلىقتاردى" كوبىنە اينەككە نەمەسە ەسىك تۇتقالارىنا ىلەدى. ءتىپتى وندا: "كومەكتەسىڭدەرشى، بالام اۋىرىپ جاتىر، شامالارىڭ كەلگەنشە اقشا اۋدارىڭدارشى" دەگەن جازۋ بار. كارتا ءنومىرى دە جازىلعان.
كەي تۇرعىندار مۇنى اقشا تابۋدىڭ جولى دەپ سانايتىنىن ايتتى. مايلىقتار ارزان، سوعان قاراماستان بىرەۋ-مىرەۋ 1000-2000 تەڭگە اۋدارىپ قالادى دەگەن ەسەپ بولسا كەرەك.
پوليسيا مۇنداي جاعدايلار جيىلەپ كەتكەنىن راستادى. وسىنداي جاعدايلاردىڭ ءبىرى بويىنشا جۇرگىزىلگەن تەرگەۋ اياسىندا جازبادا كورسەتىلگەن ءنومىر تاراز تۇرعىنىنىڭ اتىنا تىركەلگەنى انىقتالعان. ءقازىر تەرگەۋ ءجۇرىپ جاتىر ەكەن.