ەكۇ-نىڭ بۇل ءتاسىلى تۋا ءبىتتى ەمدەۋگە جاتپايتىن اۋرۋلاردىڭ تۇقىم قۋالاۋ ءقاۋپىن ازايتادى
بۇل گەنەتيكالىق اۋرۋلاردىڭ تۇقىم قۋالاۋىن بولدىرماۋعا باعىتتالعان ەكستراكورپورالدى ۇرىقتاندىرۋدىڭ (ەكۇ) جاڭا پروسەدۋراسىنىڭ ارقاسىندا مۇمكىن بولدى، دەپ حابارلايدى Almaty-akshamy.kz Zakon.kz-كە سىلتەمە جاساپ.
ەكۇ-نىڭ يننوۆاسيالىق ادىسىمەن دۇنيەگە كەلگەن بالالار انا مەن اكەنىڭ دنق-سىنىڭ 99،8% كوشىرمەلەپ الدى، سونداي-اق ۇرىق دونورىنىڭ گەنەتيكالىق ماتەريالىنىڭ از بولىگىن قامتىدى، دەپ جازادى The Guardian.
بۇل ءادىستى قولدانعان كەزدە ايەلدەن دونورلىق ۇرىق جاسۋشاسى الىنادى. ولاردىڭ كومەگىمەن ەمبريوندار ءتۇزىلىپ، سپەرماتوزويدتارمەن جاساندى تۇردە جاقىنداستىرىلىپ ۇرىقتاندىرىلادى. ەكۇ-نىڭ بۇل ءتاسىلى تۋا ءبىتتى ەمدەۋگە جاتپايتىن اۋرۋلاردىڭ تۇقىم قۋالاۋ ءقاۋپىن ازايتادى.
ۇلىبريتانيادا جاڭا ءادىستى ءبىرىنشى بولىپ انگليانىڭ سولتۇستىگىندەگى نيۋكاسل كلينيكاسىنىڭ دارىگەرلەرى سىناپ كوردى. ۇلىبريتانيا پارلامەنتى 2015 جىلى ءۇش ادامنىڭ دنق ۇلگىلەرىن پايدالانۋ ارقىلى جاساندى ۇرىقتاندىرۋ جۇرگىزۋگە رۇقسات بەرگەن بولاتىن.