ماحات سادىق: جاڭا قازاقستاننىڭ ءبىرىنشى جاڭالىعى وسى!

بۇدان بۇرىن تۇڭعىش پرەزيدەنت مارتەبەسى كونستيتۋسيادا «تاۋەلسىز قازاقستاننىڭ نەگىزىن قالاۋشى» دەپ قانا ايقىندالاتىنىن  حابارلاعانبىز.

وسى وزگەرىسكە وراي جۋرناليست ماحات سادىق ءوزىنىڭ فەيسبۋك پاراقشاسىندا پىكىر ءبىلدىردى، دەپ حابارلايدى Almaty-akshamy.kz

«جاڭا كونستيتۋسيادا ەلباسى - تۇڭعىش پرەزيدەنتتىڭ مارتەبەسى مەن وكىلەتتىگى تۋرالى 46-باپ الىپ تاستالادى! بۇل وزگەرىستەر نەگىزىندە «ەلباسى» دەگەن تەرمين دە اتا زاڭدا بولمايدى. ونىڭ ۇستىنە، 46-باپتاعى ەرەكشەلىكتەر مەن ەلباسىعا قاتىستى باسقا دا تۇزەتۋلەر، ياعني وتباسىنا قول سۇعىلماۋشىلىق ماسەلەسىن الىنىپ تاستالماق. https://www.gov.kz/…/entiti…/ksrk/press/news/details/361766…
تەك تاۋەلسىزدىكتىڭ نەگىزىن قالاۋشى دەگەن تاريحي مارتەبەسى 91-باپتا جازىلماق. بۇل تۋرالى كونستيتۋسيالىق رەفورما جونىندەگى جۇمىسشى توبىنىڭ مۇشەسى ەرمەك ءابدراسۋلوۆ ءمالىم ەتتى. بۇگىنگى باستى جاڭالىق - سەنساسيا، اۆتوكراتيا مەن نەپوتيزمدى جوققا شىعارۋ! زاڭ الدىندا ءبارىمىز بىردەيمىز. ەكىنشى رەسپۋبليكا – جاڭا قازاقستاننىڭ ءبىرىنشى جاڭالىعى وسى!» -دەپ جازدى ماحات سادىق.