كورەيالىق سپورتشى ءۇش ەسكەرتۋ الدى
حورۆاتيا استاناسى زاگرەبتەگى دزيۋدودان Grand Slam ءتۋرنيرى ءوز مارەسىنە جەتتى. قازاقستاندىق ماعجان شامشادين 60 كەلىگە دەيىنگى سالماقتا التىن مەدال ەنشىلەدى، دەپ حابارلايدى Almaty-akshamy.kz Olympic.kz-كە سىلتەمە جاساپ.
ماعجان شامشادين جارتىلاي فينالدا فرانسيالىق ماكسيم مەرليننەن باسىم ءتۇسىپ، اقتىق سىندا كورەيالىق ۆون دجين كيممەن تاتاميگە شىقتى.
«تارتىستى وتكەن بەلدەسۋ بارىسىندا كورەيالىق سپورتشى ءۇشىنشى ەسكەرتۋ الىپ، جەڭىس ماعجانعا بەرىلدى. ۆون دجين كۇمىس جۇلدەنى مىسە تۇتتى»، -دەلىنگەن حابارلامادا.