كەشەندى تەستىلەۋدەن 176 تالاپكەر ەمتيحاننان شەتتەتىلدى.
ورتالىق مالىمەتىنە سايكەس، رەسپۋبليكا بويىنشا 43 مىڭنان استام ادام كومپيۋتەرلىك تەست تاپسىرعان، دەپ حابارلايدى Almaty-akshamy.kz Elorda.info-عا سىلتەمە جاساپ.
ولاردىڭ 42 پايىزى شەكتى بالل جيناعان. ماگيستراتۋراعا تۇسۋگە نيەتتى ازاماتتاردىڭ جالپى ورتاشا كورسەتكىشى – 71 بالل. ەڭ جوعارى 140 ۇپايدى تەك ءبىر قاتىسۋشى عانا جيناپتى.
«تەست تاپسىرۋ بارىسىندا ەرەجە بۇزعانى ءۇشىن 328 ادامنىڭ ناتيجەلەرى جويىلدى. اتاپ ايتقاندا، تىيىم سالىنعان زاتتاردى كىرگىزگەن 176 تالاپكەر ەمتيحاننان شەتتەتىلدى. تەستىلەۋ كەزىندە ەرەج بۇزىپ، 148 ازامات اۋديتوريادان شىعارىلدى. بەينەكامەرالارداعى جازبالاردى قايتا قاراۋ قورىتىندىسى بويىنشا 4 ادامنىڭ ناتيجەسى جويىلدى. سونىمەن قاتار، ەمتيحانعا كىرگىزۋ كەزىندە ادامنىڭ تۇر-الپەتىن تانيتىن FACE-ID جۇيەسى ارقىلى 4 بوگدە تۇلعا انىقتالدى»، - دەپ جازدى ۇلتتىق تەستىلەۋ ورتالىعى ءوزىنىڭ تelegram ارناسىندا.
بيىل ءوز ناتيجەسىمەن كەلىسپەگەن 20 مىڭنان استام ادام اپەللياسياعا ءوتىنىش بەرگەن. وسىعان ساي، 121 تەست تاپسىرۋشىنىڭ قورىتىندىسى وڭ شەشىمىن تاپتى.