ماگيستراتۋراعا قابىلداۋدا وقۋ ورىندارى ەندى ءوز ەمتيحانىن وتكىزە الادى

ءبىلىم جانە عىلىم ۆيسە-مينيسترى قۋانىش ەرعالييەۆ جوعارى ءبىلىم بەرۋ ساپاسىن ارتتىرۋدا الدا اتقارىلاتىن شارالار جوسپارىمەن الەۋمەتتىك جەلىدە تانىستىرىپ ءوتتى

ونىڭ جازۋىنشا، 2025 جىلعا قاراي تەحنيكالىق باعىتتار بويىنشا كادرلار دايارلاۋعا باسا نازار اۋدارا وتىرىپ، گرانتتار سانى 75 مىڭعا دەيىن ۇلعايتىلادى. تەحنيكالىق جانە IT باعىتتارعا گرانتتار 40%-دان 60%-عا دەيىن وسەدى، دەپ حابارلايدى Almaty-akshamy.kz Elorda.info-عا سىلتەمە جاساپ. 

«ماڭعىستاۋ جانە اتىراۋ وبلىستارىنىڭ مەكتەپ تۇلەكتەرىنە گرانتتار ءبولۋ جوسپارلانىپ وتىر. گرانتتار ءبولۋ ارقىلى جاستار مەن تالانتتى بالالاردى قولداۋعا ەرەكشە كوڭىل بولىنەدى، سونداي-اق "ەركىن گرانتتى" ەنگىزۋ جوسپارلانۋدا. 2025 جىلعا قاراي ستۋدەنتتەرگە، ماگيسترانتتار مەن دوكتورانتتارعا ستيپەنديا مولشەرى 1،5 ەسە وسەدى»، – دەپ جازدى قۋانىش ەرعالييەۆ.

سونىمەن بىرگە، 2023 جىلعا قاراي ستاندارتتالعان تەستىلەۋدى ەنگىزۋ ارقىلى جوعارى وقۋ ورىندارىنا قابىلداۋ ءراسىمى جاڭعىرتىلىپ جاتىر. تالاپكەرلەردى قابىلداۋ ساپاسىن جاقسارتۋ ءۇشىن 2022 جىلى "پەداگوگيكالىق عىلىمدارعا" شەكتى بالل 80 بالعا، "قۇقىققا" 75 بالعا (2021 جىلى – 50 بالعا) دەيىن كوتەرىلەدى.

ۇبت ناتيجەلەرى بويىنشا كوللەدجدەرگە قابىلداۋ ماسەلەسى پىسىقتالۋدا. جوعارى وقۋ ورىندارىنا ماگيستراتۋراعا قابىلداۋ كەزىندە ءوز ەمتيحانىن وتكىزۋ مۇمكىندىگى بەرىلەدى.