ماگيستراتۋرا بويىنشا گرانت يەگەرلەرىنىڭ ءتىزىمى جاريالاندى

تەستىلەۋ كومپيۋتەرلىك فورماتتا ءوتتى.

ماگيستراتۋرانىڭ قىسقى كونكۋرس قورىتىندىسى شىقتى، دەپ حابارلايدى Almaty-akshamy.kz عىلىم جانە جوعارى ءبىلىم مينيسترلىگىنە سىلتەمە جاساپ.

«ماگيستراتۋرادا وقۋعا ارنالعان ءبىلىم بەرۋ گرانتتارى كەشەندى تەستىلەۋ سەرتيفيكاتتارىنىڭ بالدارىنا سايكەس كونكۋرستىق نەگىزدە بەرىلدى. وتىرىس قورىتىندىسى بويىنشا 1774 ادام مەملەكەتتىك ءبىلىم بەرۋ گرانتىنىڭ يەگەرلەرى اتاندى، ونىڭ ىشىندە بەيىندىك ماگيستراتۋرا بويىنشا - 100 گرانت»، - دەلىنگەن عىلىم جانە جوعارى ءبىلىم مينيسترلىگىنىڭ حابارلاماسىندا.

وقۋعا قابىلداۋ 10 قاڭتارعا دەيىن جۇزەگە اسادى. ال وقۋ جوو-نىڭ اكادەميالىق كۇنتىزبەسىنە سايكەس باستالادى. مەملەكەتتىك ءبىلىم بەرۋ گرانتى يەگەرلەرىنىڭ تىزىمىمەن مينيسترلىكتىڭ Telegram-ارناسى ارقىلى تانىسۋعا بولادى.

كەشەندى تەستىلەۋ 28-1 جەلتوقسان ارالىعىندا كومپيۋتەرلىك فورماتتا ءوتتى. ماگيستراتۋرادا ءبىلىم بەرۋ گرانتىن بەرۋ كونكۋرسىنا قاتىسۋ ءۇشىن قۇجاتتاردى قابىلداۋ 6-12 جەلتوقسان ارالىعىندا جۇزەگە اسىرىلدى. ءبىلىم بەرۋ گرانتتارىن بەرۋ كونكۋرسىنا بارلىعى 2029 ادام قاتىستى.

مەملەكەتتىك گرانتتار رەسپۋبليكالىق كوميسسيا وتىرىسىنىڭ قورىتىندىسى بويىنشا بەرىلدى، ونىڭ قۇرامىنا مەملەكەتتىك ورگانداردىڭ، ۇكىمەتتىك ەمەس ۇيىمداردىڭ وكىلدەرى، جۋرناليستەر جانە قازاقستان ستۋدەنتتەر اليانسىنىڭ وكىلدەرى كىردى.