6 شىلدە كۇنى ساعات 17:33-تە جەس-تەگى №1 ەنەرگوبلوكتىڭ جۇمىسى تاعى دا توقتادى.
3 شىلدەدە ساعات 17.31-دە قازاندىققا كەلىپ تۇرعان توقتىڭ كۇرت وسۋىنە بايلانىستى №1 ەنەرگوبلوكتىڭ (جۇكتەمە 133 مۆت) جۇمىسى توقتاعان ەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
4 شىلدەدە ساعات 21:50-دە № 1 ەنەرگوبلوگى سالقىنداعاننان كەيىن جوندەۋ جۇمىستارى باستالدى. جوندەۋ جۇمىستارى تاۋلىك بويى MAەك قىزمەتكەرلەرىنىڭ كۇشىمەن جۇرگىزىلدى.
6 شىلدەدە «ماەك» ج ش س جەس №1 ەنەرگوبلوكتىڭ جوندەۋ جۇمىستارى اياقتالىپ، ساعات 05.51-دە ەنەرگوبلوك ىسكە قوسىلدى.
جوندەۋ جۇمىستارى ساپالى جاسالعانىمەن، 6 شىلدە كۇنى ساعات 17.33-تە جەس-تە №1 ەنەرگوبلوكتا تاعى دا جۇمىس توقتادى. قازىرگى ۋاقىتتا جەس پەرسونالى ەنەرگيا بلوگىن جوندەۋ ءۇشىن دايىندىق جۇمىستارىن جۇرگىزىپ جاتىر.
ماڭعىستاۋ وبلىسىنىڭ تۇرمىستىق تۇتىنۋشىلارىن ەلەكترمەن جابدىقتاۋدا، سونىمەن قاتار ەلدى مەكەندەردى سۋمەن جابدىقتاۋدا شەكتەۋلەر جوق.
جوندەۋ جۇمىستارىن 9 شىلدە ساعات 24.00-گە دەيىن جۇرگىزۋگە شۇعىل ءوتىنىم بەرىلدى.
جوندەۋ جۇمىستارىن 8 شىلدە 00.00-دەن كەيىن باستاۋ جوسپارلانىپ جاتىر. سەبەبى ەنەرگيا بلوگىنىڭ قازاندىعىن سالقىنداتۋ ءۇشىن 24 ساعاتتان استام ۋاقىت قاجەت.