ديماش قۇدايبەرگەننىڭ كانادالىق جانكۇيەرلەرى اۋىر دەرتكە شالدىققان بالالارعا كومەكتەسەتىن Make a Wish Canada قايىرىمدىلىق قورىنا قاراجات جيناۋ شاراسىن ۇيىمداستىردى.
Dimashnews.com سايتىنىڭ جازۋىنشا، قايىرىمدىلىق اكسياسىن قازاقستاندىق ءارتىستىڭ تۋعان كۇنىنە وراي Dears from the Canada & Dimash فان-كلۋبى وتكىزدى.
Make a Wish Canada — ومىرىنە ءقاۋىپ توندىرەتىن اۋرۋلارى بار بالالاردىڭ تىلەكتەرىن ورىنداۋعا ارنالعان كانادالىق ۇلتتىق قايىرىمدىلىق ۇيىم.
1983 جىلى نەگىزى قالانعان ۋاقىتتان بەرى Make a Wish Canada 37 000-نان استام بالانىڭ ارمانىن ورىندادى.
«ديماشتىڭ بالالارعا كومەكتەسۋگە دەگەن نيەتىنەن شابىتتانعان ەلدىڭ تۇكپىر-تۇكپىرىنەن كەلگەن Dears قايىرىمدىلىق كومەككە ۇلكەن قۋانىشپەن ۇلەس قوستى. وسىلايشا، ءبىز 1070 كانادالىق دوللاردى (360 مىڭ تەڭگە) جيناي الدىق. ءبىز ودان دا كوپ بالالار ءوز ارماندارىن ورىنداي الادى دەپ ۇمىتتەنەمىز، ويتكەنى ءۇمىت - ساۋىعىپ كەتۋدىڭ كەپىلى»، - دەپ ءبولىستى كانادا مەن ديماش فان-كلۋبىنىڭ Dears جانكۇيەرلەرى.