ولاردىڭ اراسىندا ءبىر وقۋشى - الماتىلىق.
«ەير استانا» اۋەكومپانياسى 7 مەن 17 جاس ارالىعىنداعى دارىندى مەكتەپ وقۋشىلارى اراسىنداعى «جاس قىران» ساياحات گرانتى بايقاۋىنىڭ ءبىرىنشى توقسانىنىڭ قورىتىندىسىن شىعاردى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءبىرىنشى ايدىڭ جەڭىمپازى (ءساۋىر) اقتوبە قالاسىنىڭ 11 سىنىپ وقۋشىسى ارتۋر كيم بولدى، ول گاننوۆەردە (گەرمانيا) حالىقارالىق فيزيكا وليمپياداسىنا قاتىسۋ ءۇشىن اۋە تاسىمالى قۇقىعىن الدى. ارتۋر كوماندامەن بىرگە وليمپيادادا ءبىرقاتار ماراپاتتاردى يەلەنگەن، ارتۋردىڭ ءوزى قولا مەدال ەنشىلەدى.
ەكىنشى ايدىڭ (مامىر) جەڭىمپازى – استانا قالاسىنىڭ 8-سىنىپ وقۋشىسى ديانا تىنىشتىق. تامىز ايىندا ول اكەسىمەن بىرگە چەحيانىڭ استاناسى پراگادا وتەتىن SUMMER PRAGUE OPEN 2023 سەرياسىنىڭ شاحمات تۋرنيرىنە بارادى.
ماۋسىم ايىندا قازىلار القاسى ءتورت جەڭىمپازدى تاڭدادى، سونىڭ ىشىندە:
1) ماتۆەي رىبالكين، (الماتى)
2) داريا موتوروۆا، (اقتوبە قالاسى)
3) يانا كيم (قىزىلوردا)
4) مارگاريتا نام (قىزىلوردا).
كونكۋرسقا ءتيىستى تۇردە تولتىرىلعان وتىنىمدەر، سونداي-اق كونكۋرس تالاپتارىنا سايكەس ۇسىنىلعان قۇجاتتار جىبەرىلەدى.
وتكىزىلىپ جاتقان جارىستاردىڭ نەمەسە بايقاۋلاردىڭ مارتەبەسىن قاراستىرۋ كەزىندە ەرەكشە ماڭىزدى.
وتىنىمدەردى 6 ادامنان تۇراتىن تاۋەلسىز قازىلار القاسى قارايدى، ونىڭ قۇرامىنا ءبىلىم، قايىرىمدىلىق سالاسىنداعى ساراپشىلار، سونداي-اق جۋرناليستەر كىرەدى. جەڭىمپازدار كوپشىلىك داۋىسپەن انىقتالادى.
ەسكە سالايىق، 2023 جىلدىڭ كوكتەمىندە اۋە كومپانياسى 7 مەن 17 جاس ارالىعىنداعى دارىندى قازاقستاندىقتار اراسىندا «جاس قىران» بايقاۋىن باستاعان بولاتىن. بايقاۋ تۋرالى ەرەجەگە سايكەس، اۆياكومپانيا جەكە وتىنىمدەر نەگىزىندە اي سايىن «ەير استانا» كومپانيالار توبىنىڭ مارشرۋتتىق جەلىسى بويىنشا جول ءجۇرۋ گرانتتارىن بەرەدى. تۋريستىك گرانت – بۇل ءبىر بالاعا جانە ونى الىپ جۇرۋگە ارنالعان ادامعا ەكونوم-كلاستاعى تەگىن بيلەت.