حالىق ۇكىمەتتىڭ وتستاۆكاعا كەتۋىن تالاپ ەتىپ وتىر.
يسپانيادا مىڭداعان تۇرعىن ەرەۋىلگە شىقتى. مادريدتەگى نارازىلىق شاراسىنا باس-اياعى 30 مىڭ ادام قاتىسقان، دەپ حابارلايدى اlmaty-akshamy.kz «حابار 24» سىلتەمە جاساپ.
جينالعان جۇرت ۇكىمەت مەملەكەتكە قاستاندىق جاسادى دەپ ايىپتاپ، وتستاۆكاعا كەتۋىن تالاپ ەتىپ وتىر. حالىق كاتالونيانىڭ تاۋەلسىزدىگىن جاقتايتىن قوزعالىس جەتەكشىلەرى ءۇشىن قىلمىستىق كودەكسكە ەنگەن جازانى جەڭىلدەتەتىن تۇزەتۋلەرگە قارسى. بۇدان بولەك، ەلدە قارجىلىق داعدارىس سالدارىنان يسپاندىقتاردىڭ الەۋمەتتىك جاعدايى كۇرت ناشارلاپ كەتكەن. بۇل دا ءبىر سەبەپ بولدى.