الماتىدا فارحات ءابدىرايىموۆتى ەسكە الۋ كەشى ءوتتى

تانىمال كينو اكتەرى فارحات ءابدىرايىموۆ كوزى ءتىرى بولسا، 57 جاسقا تولار ەدى.

الماتىدا بەلگىلى كينو اكتەرى فارحات ءابدىرايىموۆتىڭ تۋعان كۇنىنە وراي ەسكە الۋ كەشى ءوتتى. ونەر مايتالمانى كوزى ءتىرى بولسا، 21 قاڭتاردا 57 جاسقا تولار ەدى، دەپ حابارلايدى اlmaty-akshamy.kz

كەش بارىسىندا اكتەردىڭ تۋعان-تۋىستارى، جاقىن دوستارى مەن ارىپتەستەرى جىلى ەستەلىكتەرىمەن ءبولىستى. كورەرمەندەرگە «دوسىم» (2023) دەرەكتى ءفيلمى مەن 1999 جىلى ەكرانعا شىققان «فارا» كوركەم ءفيلمى كورسەتىلدى.

«فارا جاي عانا اقكوڭىل، قاراپايىم ادام بولعان جوق، ول ءارقاشان جاقسىلىق جاساۋدى تۋ ەتكەن ازامات ەدى. ول ءوز ءىسىنىڭ كاسىبي مامانى ەدى، حالقى ونى قاتتى جاقسى كوردى، ەشقاشان ۇمىتپايدى»، - دەدى كينورەجيسسەر، قازاقستاننىڭ ەڭبەك سىڭىرگەن قايراتكەرى سەرگەي ءازىموۆ.  

ايتا كەتەلىك، فارحات ءابدىرايىموۆ 2021 جىلدىڭ مامىرىندا گرۋزيادا ءتۇسىرىلىم بارىسىندا كوز جۇمدى. فارحات ءابدىرايىموۆ «شانحاي»، «اقسۋات»، «ماحاببات تالكەگى»، «سيقىرشى دەمەۋشى»، «جەل ادام»، «شەكارا»، «پاراللەل الەم»، «گەيزەر»، «ءۇش ليمون»، «باتىر»، «ەڭ سۇلۋ»، ت.ب كوپتەگەن فيلمدەرگە تۇسكەن.