جاڭا تەحنولوگيانى قۇرىلىسقا قاجەتتى شوكولاد ءتۇستى كىرپىشتى جاساۋ ءۇشىن قولدانۋعا بولادى.
ەۋرازيا ۇلتتىق ۋنيۆەرسيتەتىنىڭ عالىمى رۋسلان سافاروۆ ارىپتەستەرىمەن بىرگە مارگانەس كەنىنەن تريمارگانەس تەتراوكسيدى بوياعىشىن الۋدىڭ جولىن تاپتى دەپ حابارلايدى اlmaty-akshamy.kz ەۇۋ باسپا ءسوز قىزمەتىنە سىلتەمە جاساپ. جاڭا تەحنولوگيانى قۇرىلىسقا قاجەتتى شوكولاد ءتۇستى كىرپىشتى جاساۋ ءۇشىن قولدانۋعا بولادى. عالىمدار بۇل ءادىستى كوممەرسيالاندىرۋدى جانە وندىرىسكە ەنگىزۋدى جوسپارلاپ وتىر.
تريمارگانەس تەتراوكسيدى بوياعىشىن الۋدىڭ جاڭا تەحنولوگياسى پاتەنتتەلدى. 2022 جىلى جوبا جەتەكشىسى رۋسلان سافاروۆ ارىپتەستەرىمەن بىرگە عىلىم قورىنىڭ گرانتىن جەڭىپ الدى. بۇل عىلىمي ازىرلەمەنى كوممەرسيالاندىرۋعا جانە وندىرىسكە ەنگىزۋگە مۇمكىندىك بەرەدى.
«قازاقستاندا مارگانەس كەندەرىنىڭ ەداۋىر قورى بار. ولاردان بوياعىش الۋعا بولادى. ءبىز عىلىمي زەرتتەۋ جۇرگىزىپ، ونىڭ قورىتىندىسى بويىنشا تريمارگانەس تەتراوكسيدىن ءالۋدىڭ تەحنولوگياسىن تاپتىق. ونىڭ ۇلگىسىن ساراپتاۋ ءۇشىن كوكشەتاۋ قالاسىنداعى كىرپىش زاۋىتىنا تاپسىردىق. ماماندار ءبىزدىڭ جاساعان ءونىمنىڭ ساپاسى جاقسى ەكەندىگىن راستادى»، - دەدى ەۇۋ وقىتۋشى-زەرتتەۋشىسى، حيميا عىلىمدارىنىڭ كانديداتى رۋسلان سافاروۆ.
عالىم بۇگىندە باعدارلامالاۋ ءتىلىن مەڭگەرىپ، جاڭا داعدىلاردى عىلىمي جۇمىستارىندا كەڭىنەن قولدانۋدا. بۇل ءوز كەزەگىندە زەرتتەۋلەردىڭ اياسىن كەڭەيتۋگە جول اشتى.
«گەوحيميالىق زەرتتەۋلەردە ءبىز نەيروندىق جەلىلەردى قولدانا باستادىق. حيميا، گەولوگيا، IT قيىلىسىنداعى عىلىمداردىڭ مۇنداي ۇيلەسىمى جاڭا قىزىقتى ناتيجەلەر بەرەدى، ياعني وبەكتىلەردى ادەتتەگى قاراۋ كەزىندە ايقىن ەمەس زاڭدىلىقتاردى تابۋعا مۇمكىندىك جاسايدى. مەن ءوزىم باعدارلامالاۋمەن، اقپاراتتىق جۇيەلەردى قۇرۋمەن اينالىسامىن. سوندىقتان گەوحيميا مەن قورشاعان ورتا وبەكتىلەرىن باقىلاۋ سالاسىندا ماشينالىق وقىتۋدىڭ نەيروندىق جەلىلەر جانە باسقا تەحنولوگيالارى سياقتى كومپيۋتەرلىك مودەلدەردى قولدانۋ باعىتىن يگەرەمىن. بۇل زەرتتەۋ اياسىن كەڭەيتۋگە كومەكتەسەدى»، - دەيدى ر. سافاروۆ.