وسى بىرىنشىلىكتەگى باستاپقى كەزدەسۋى
يوردانيا استاناسى اممان قالاسىندا بوكستان ءوتىپ جاتقان ازيا چەمپيوناتىندا ءمادينا نۇرشايەۆا قولا جۇلدەگە يە بولدى، دەپ حابارلايدى Almaty-akshamy.kz قازاقپارات-قا سىلتەمە جاساپ.
ازيا چەمپيونى م.نۇرشايەۆا 66 كەلىگە دەيىنگى سالماقتا وڭتۇستىككورەيالىق چوي حون گيۋنمەن شەبەرلىك بايقاستى.
بۇل ءمادينانىڭ وسى بىرىنشىلىكتەگى باستاپقى كەزدەسۋى ەدى.
تورەشىلەردىڭ ەسەبىنشە، ءبىرىنشى راۋندا وڭتۇستىككورەيالىقتىڭ ءسال باسىمدىلىعى بايقالدى. ەكىنشىسىندە قازاقستاندىق ەسە قايىردى. ءۇشىنشى كەزەڭ دە تارتىستى ءوتتى. قورىتىندىسىندا قازىلار جەڭىستى كورەيالىق بوكسشىعا بەردى.
كۇندىزگى سەسسيادا تاعى ءبىر قازاقستاندىق ءلاززات كۇنگەيبايەۆا فينالعا شىعۋ ءۇشىن ءۇندىستاندىق الفيا تاراننۋم اكراممەن تالاسادى.
قازاقستاندىق قىزداردىڭ قالعان بەس باسەكەسى كەشكى سەسسيادا وتەدى.
ەسكە سالا كەتەيىك، بۇدان بۇرىن ازيا چەمپيوناتىندا بۇگىن توعىز قازاقستاندىق بوكسشىنىڭ فينالعا شىعۋ ءۇشىن تالاساتىنىن جازعان بولاتىنبىز.
سونداي-اق نازىم قىزايباي ازيا چەمپيوناتىنىڭ قولا جۇلدەگەرى اتاندى.
جاينا شەكەربەكوۆا ازيا چەمپيوناتىنىڭ فينالىنا شىقتى.