2025 جىلعا دەيىن مادەنيەت سالاسى قىزمەتكەرلەرىنىڭ جالاقىسى 100%-كە كوتەرىلەدى.
بۇل تۋرالى جامبىل وبلىسىنا ىسساپارمەن بارعان مادەنيەت جانە سپورت ءمينيسترى اسحات ورالوۆ ايتتى، دەپ حابارلايدى Almaty-akshamy.kz 24.kz-كە سىلتەمە جاساپ.
سونىمەن قاتار «حالىق ءارتىسى» اتاعى كەرى قايتارىلادى. مينيستر حالىقپەن كەزدەسۋدە اتاقتى «گۇلدەر» ءانسامبلى قايتا جاساقتالاتىنىن اتاپ ءوتتى. شىعارماشىلىققا جاقىن دارىندى جاستاردى انسامبل قۇرامىنا الۋ ءۇشىن ارنايى توپ ايماقتاردى ارالاۋعا شىعادى. ارحيۆ سالاسىندا دا ءبىرقاتار جاڭالىق بار. ەل كولەمىندەگى 12 مىڭعا تارتا ارحيۆ قىزمەتكەرلەرىنە قوسىمشا جالاقى تاعايىندالادى. ءقازىر ەلدەگى مۇراعاتتار 100%-كە تولىپ تۇر. سول سەبەپتى قوسىمشا 20 ارحيۆ نىسانىن سالۋ قولعا الىنادى.
«جامبىل وبلىسىنا كەلەر بولساق، ءوزىمىزدىڭ مادەنيەت سالاسىنا قارايتىن بولساق، بيىلدىڭ وزىندە وبلىس كولەمىندە 14 مادەنيەت وبەكتىسى سالىناتىن بولادى. سونىڭ 9-ىن جىلدىڭ سوڭىنا دەيىن اياقتايمىز. بەسەۋى جوسپارعا سايكەس كەلەسى جىلدىڭ باسىندا قۇرىلىسى اياقتالاتىن بولادى. بۇل 14 مادەني وبەكتىسىنىڭ شىنىن ايتقاندا رەسپۋبليكادان 1،1 ملرد تەڭگە ءبولىندى. جەرگىلىكتى بيۋدجەتتەن 300 ملن تەڭگە بولىنگەن بولاتىن. ولاردىڭ 100%ء-ى اۋدانداردا، وڭىرلەردە، اۋىلداردا سالىناتىن بولادى»، - دەيدى ق ر مادەنيەت جانە سپورت ءمينيسترى اسحات ورالوۆ.