مادەنيەت جانە سپورت ءمينيسترى داۋرەن ابايەۆ جامبىل وڭىرىنە ءىس ساپارىندا 2025 جىلعا قاراي مادەنيەت سالاسىنىڭ قىزمەتكەرلەرىنىڭ جالاقىسى 100%-عا دەيىن وسەتىنىن ايتتى، دەپ حابارلايدى Almaty-akshamy.kz Inbusiness.kz-كە سىلتەمە جاساپ.
مينيستر وبلىس تۇرعىندارىمەن كەزدەسۋ بارىسىندا ءبىرقاتار ماسەلەنى كوتەرىپ، جولدانعان ساۋالدارعا جاۋاپ بەردى.
سوزىنشە، سالا قىزمەتكەرلەرىنىڭ جالاقىسى 2021 جىلدان باستاپ كوتەرىلىپ كەلەدى.
"2025 جىلعا قاراي 20/20%-دان 100%-عا دەيىن جەتەدى. جالاقىلار ەكى ەسەگە كوبەيمەك. مەملەكەت ەڭبەكاقىنى كوتەرۋگە ءارقاشان نەتتى. الايدا ءبىز ينفلياسيا مەن ەكونوميكالىق جاعدايدى دا ەسكەرىپ، ەسەپتەۋىمىز كەرەك. نارىقتىڭ دا كىرىس-شىعىستارى بار"، - دەدى داۋرەن ابايەۆ.
سونىمەن قاتار جاۋاپتى ۆەدومستۆو باسشىسى ايماقتاعى ارتسپورتقا 2 ميلليارد تەڭگە بولىنگەنىن جانە كەلەر جىلدان باستاپ بۇل باعىتتى قارجىلاندىرۋ جۇمىستارىنان قيىندىقتار بولمايتىنىن جەتكىزدى.
جيىندا سپورتشىلارعا ءومىر بويىنا بەرىلەتىن تولەماقىدان باستاپ، جاس مامانداردى ۋاقىتشا باسپانامەن قامتۋ، سالاداعى تەحنيكالىق قىزمەتكەرلەردىڭ ايلىعىن ارتتىرۋ ماسەلەلەرى قوزعالدى.
مينيستر ساۋالداردى قاراستىرىپ، شەشىمىن ۇكىمەتكە ۇسىنىس رەتىندە جولدايتىنىن مالىمدەدى.