الماتىدا جوق پاتەرلەردى جالعا بەرگەن جىگىت ۇستالدى، دەپ حابارلايدى Almaty-akshamy.kz Inbusiness.kz-كە سىلتەمە جاساپ
كۇدىكتى نەبارى 18 جاستا. ول اقتوبەدەن.
– جاپ-جاس بولعانىنا قاراماستان، ح. ەسىمدى ازامات - "كاسىپكەر". ول ينتەرنەت ارقىلى ادامداردى الداعان. ال تىزبەك بىلاي بولدى. جوندەۋى جاقسى، باعاسى ارزان پاتەردى جالعا بەرۋ تۋرالى سايتقا حابارلاندىرۋلار ورنالاستىردى. قىزىعۋشىلىق تانىتقاندارعا جاس جىگىت بانك كارتاسىنىڭ دەرەكتەمەلەرىن جىبەرىپ، الدىن الا تولەم تولەۋدى سۇرادى. ءبىزدىڭ مالىمەت بويىنشا، كۇدىكتىنىڭ قىلمىستىق قۋلىعىنا كەم دەگەندە 5 ادام تۇسكەن، ولار - الاياقتىق تۋرالى پوليسياعا رەسمي تۇردە ارىزدانعاندار. كۇدىكتىنىڭ تۇرعىلىقتى جەرىن ءتىنتۋ كەزىندە ونىڭ قىلمىس جاساۋ كەزىندە پايدالانعان بايلانىس وپەراتورلارىنىڭ 45 SIM-كارتاسى تاركىلەندى، – دەدى المالى اۋداندىق پوليسيا باسقارماسى باستىعىنىڭ ورىنباسارى ۆلاديمير رەشەتنيكوۆ.
كۇدىكتى قاماۋعا الىندى. پوليسيا قىزمەتكەرلەرى ونىڭ جەكە باسىنىڭ باسقا دا قىلمىستارعا قاتىسىنىڭ بار-جوعىن تەكسەرىپ جاتىر.