قازاقستان رەسپۋبليكاسى مادەنيەت جانە سپورت مينيسترلىگىنىڭ ارحيۆ ىستەرى جانە قۇجاتتامانى باسقارۋ كوميتەتىنىڭ جاڭا ءتوراعاسى بولىپ قۋات بوراشيەۆ تاعايىندالدى.
ق ر مادەنيەت جانە سپورت ءمينيسترىنىڭ بۇيرىعىمەن قۋات قاحارمان ۇلى بوراشيەۆ قازاقستان رەسپۋبليكاسى مادەنيەت جانە سپورت مينيسترلىگىنىڭ ارحيۆ ىستەرى جانە قۇجاتتامانى باسقارۋ كوميتەتىنىڭ ءتوراعاسى قىزمەتىنە تاعايىندالدى، دەپ حابارلادى Almaty-akshamy.kz Primeminister.kz سايتىنا سىلتەمەلەپ.
قۋات بوراشيەۆ 1972 جىلى جامبىل وبلىسىندا دۇنيەگە كەلگەن. ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن ءتامامداعان. ماماندىعى بويىنشا بىلىكتىلىگى — جۋرناليست.
ەڭبەك جولىن 1993 جىلى «قازاقستان» مەملەكەتتىك تەلەراديو حابارلارىن تاراتۋ كومپانياسىنىڭ رەداكتورى قىزمەتىنەن باستاعان. 1994 جىلعى مامىر-قازان ايلارى ارالىعىندا «قازاقستان تەليەۆيزياسى مەن راديوسى» رەسپۋبليكالىق كورپوراسياسىنىڭ رەپورتەرى بولدى.
1994-1995 جىلدارى — ورتا مەكتەپ ءمۇعالىمى. 1995-1997 جىلدارى — «رايحان-تۆ» تەلەكومپانياسىنىڭ ديكتورى. 1997 جىلعى شىلدە-قىركۇيەك ايلارى ارالىعىندا — «تاراز-تۆ» قالالىق تەلەارناسىنىڭ رەداكتورى.
1997-2000 جىلدارى — «اقنۇر» جانە «ازان» توپتارىنىڭ رەداكتورى، جەتەكشىسى، «جامبىل وبلىستىق تەلەراديوكومپانياسى» جاق كوممەنتاتورى. 2000-2003 جىلدارى — «قازاقستان تەمىر جولى» جاق باس مامانى. 2003-2005 جىلدارى — «ەگەمەن قازاقستان» رەسپۋبليكالىق گازەتىنىڭ ءتىلشىسى.
2005 جىلعى اقپان-ماۋسىم ارالىعىندا — «ق ر پرەزيدەنتىنىڭ ترك» ۇاق ءبولىمىنىڭ مەڭگەرۋشىسى. 2005-2006 جىلدارى — «قازاقستان رەسپۋبليكاسى پرەزيدەنتىنىڭ ترك» ۇاق ءبولىم مەڭگەرۋشىسى. 2006 جىلعى ناۋرىز-تامىز ارالىعىندا — ق ر پرەزيدەنتى باسپا ءسوز قىزمەتىنىڭ باس ساراپشىسى.
2006-2007 جىلدارى — «ەگەمەن قازاقستان» رەسپۋبليكالىق گازەتىنىڭ شولۋشىسى.
2007-2012 جىلدارى — ق ر پرەزيدەنتى اكىمشىلىگىندە ءتۇرلى قىزمەتتەر اتقارعان. 2012-2013 جىلدارى — ق ر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتى ءتوراعاسىنىڭ ورىنباسارى. 2013-2017 جىلدارى — ق ر مەملەكەتتىك حاتشىسى حاتشىلىعى مەڭگەرۋشىسىنىڭ ورىنباسارى.
2017 ج. ماۋسىم-قاراشا ارالىعىندا — «ەگەمەن قازاقستان» رەسپۋبليكالىق گازەتىنىڭ باس رەداكتورى. 2017-2019 جىلدارى — ق ر مادەنيەت جانە سپورت مينيسترلىگى ءتىل ساياساتى كوميتەتىنىڭ ءتوراعاسى. 2019 جىلعى ناۋرىزدان باستاپ قازىرگى تاڭعا دەيىن — ق ر مەملەكەتتىك حاتشىسى حاتشىلىعى مەڭگەرۋشىسىنىڭ ورىنباسارى.