مادەنيەت جانە اقپارات مينيسترلىگى مەن قازاقستان جازۋشىلار وداعىنىڭ بىرلەسكەن جوبالارى تانىستىرىلدى

الماتىداعى «دوستىق» ۇيىندە ق ر مادەنيەت جانە اقپارات مينيسترلىگى مەن قازاقستان جازۋشىلار وداعى اراسىنداعى ارىپتەستىك اياسىندا جۇزەگە اسىرىلىپ جاتقان جوبالاردىڭ تانىستىرىلىمى ءوتتى. جيىننىڭ اشىلۋىندا مادەنيەت جانە اقپارات ءمينيسترى ايدا بالايەۆانىڭ جوبالاردىڭ جۇزەگە اسۋىنا ساتتىلىك تىلەگەن قۇتتىقتاۋ حاتى وقىلدى، دەپ حابارلايدى aqshamnews.kz.

جازۋشىلار وداعىنىڭ ءتوراعاسى مەرەكە قۇلكەنوۆ قالامگەرلەر قاۋىمىنا مەملەكەت تاراپىنان كورسەتىلىپ جاتقان قولداۋعا ريزاشىلىعىن ءبىلدىردى. سونداي-اق، جيىنعا سەبەپ بولىپ وتىرعان «تمد ەلدەرىنىڭ ارحيۆتەرىندەگى قازاقستاندىق جازۋشىلاردىڭ زەرتتەۋ جۇمىستارى»، «جازۋشىلاردىڭ ادەبي شەبەرلىك مەكتەبى»، «جاڭا قازاقستاننىڭ ادەبي-تانىمدىق پانوراماسى»، «جازۋشىلار وداعىنا ۇمىتكەر» اتتى بىرلەسكەن جوبالارعا توقتالىپ ءوتتى.

جيىن بارىسىندا جوبالاردىڭ مازمۇنى مەن ماقساتى كەڭىنەن تانىستىرىلىپ، وتكىزۋ جولدارى تۋرالى ايتىلدى.

جيىن سوڭىندا قازاقستان جازۋشىلار وداعىنا قابىلدانعان جاڭا مۇشەلەرگە مۇشەلىك بيلەتتەر تاپسىرىلدى.

ايتا كەتەيىك، بيىل قازاقستان جازۋشىلار وداعىنىڭ قۇرىلعانىنا – 90 جىل. بۇگىندە قوعامدىق ۇيىم 1000-نان اسا اۆتوردى بىرىكتىرەدى.