ەستونيالىق Bolt كومپانياسى قازاقستانمەن تاكسي سالاسىندا ىنتىماقتاستىق ورناتۋ ماسەلەسىن قاراستىرۋدا. بۇل تۋرالى كولىك ءمينيسترى مارات قارابايەۆ مالىمدەدى، دەپ حابارلايدى aqshamnews.kz
ءمينيستردىڭ ايتۋىنشا، قازاقستاندا تاكسي سالاسىندا باسەكەلەستىك ورتا قالىپتاسقان. ول تاكسي قىزمەتتەرىنىڭ ىشىنەن تەك ياندەكس پەن InDriver-دى اتادى. InDriver نەگىزىنەن قالالىق ساپارلارعا، ال ياندەكس - وبلىسارالىق ساپارلارعا باعىتتالعان.
قازاقستاندا باسقا اگرەگاتورلاردىڭ پايدا بولۋ مۇمكىندىگى تۋرالى سۇراققا جاۋاپ بەرە وتىرىپ، قارابايەۆ بۇل ماسەلەنىڭ تالقىلانىپ جاتقانىن ايتتى.
«ءيا، باسقا حالىقارالىق اگرەگاتورلاردىڭ قىزىعۋشىلىعى بار. مىسالى، بىزگە Bolt كومپانياسى جۇگىندى. بۇل - ەستونيالىق كومپانيا جانە ەۋروپادا وتە تانىمال، ياندەكستىڭ ەۋروپاداعى بالاماسى ىسپەتتەس. ولار ءبىزدىڭ نارىققا قىزىعۋشىلىق تانىتتى. ەگەر وسى كومپانيامەن ماشينالاردى ىسكە قوسۋ تۋرالى شەشىم قابىلدانسا، ءبىز ءارقاشان قولداۋعا دايىنبىز»، - دەدى مارات قارابايەۆ.
ءمينيستردىڭ ايتۋىنشا، تاكسي سالاسىنداعى كەز كەلگەن باسەكەلەستىك سوڭعى قىزمەت باعاسىنىڭ تومەندەۋىنە اكەلەدى.