«م.و.اۋەزوۆ اتىنداعى ادەبيەت جانە ونەر ينستيتۋتى»، يۋنەسكو جانە يسەسكو ىستەرى جونىندەگى ق ر ۇلتتىق كوميسسياسىنىڭ، ق ر ماتەريالدىق ەمەس زاتتىق مادەني مۇرا جونىندەگى ۇلتتىق كوميتەتىنىڭ، حالىقارالىق تۇركى مادەنيەتى قورىنىڭ جانە شىعارماشىلىق جوو-نىڭ قاتىسۋىمەن قازاقستاننىڭ تۇڭعىش حالىق ءارتىسى، ەتنوگراف-عالىم، كومپوزيتور الەكساندر ۆيكتوروۆيچ زاتايەۆيچتىڭ «قازاق حالقىنىڭ 1000 ءانى» جيناعىنىڭ 100 جىلدىعىنا ارنالعان «الەم حالىقتارىنىڭ مادەني مۇراسى: ەتنومۋزىكا، ەتنوفور، ەتنوگراف» اتتى حالىقارالىق عىلىمي-تاجىريبەلىك سيمپوزيۋم ۇيىمداستىرىلدى.
سيمپوزيۋمعا تۇركيا، رەسەي، ازەربايجان، وزبەكستان جانە قىرعىز رەسپۋبليكاسىنان فولكلورتانۋشى، مۋزىكاتانۋشى عالىمدار ارنايى كەلدى.
سيمپوزيۋم اياسىندا پلەنارلىق جانە سەكسيالىق وتىرىستار قاراستىرىلعان. نەگىزگى باعىتتارى: «ا.ۆ.زاتايەۆيچتىڭ «قازاق حالقىنىڭ 1000 ءانى» جيناعى: تاريح، تەوريا جانە تاجىريبە ماسەلەلەرى»، «الەمدىك جانە وتاندىق گۋمانيتارلىق عىلىم اياسىنداعى ا.ۆ.زاتايەۆيچتىڭ مۇراسى»، «ۇلتتىق مادەنيەتتەگى ەتنوفورلار (ونەرپازدار) مەن شىعارماشىلىق قاۋىمداستىقتار»، «زەرتتەۋشىنىڭ اۋىزشا جانە جازباشا مۋزىكا داستۇرلەرىن زەردەلەۋدەگى ءرولى»، «ءداستۇرلى مۋزىكانىڭ بۇگىنگى بولمىسى مەن ساباقتاستىق اسپەكتىلەرى»، «قازىرگى كەزەڭدەگى ۇلتتىق ونەر»، «تۇركى حالىقتارىنىڭ رۋحاني الەمى»، «تاريح، ەتنوگرافيا، فيلولوگيا جانە ونەرتانۋ سالالارىنداعى مادەني قۇندىلىقتاردى ساقتاۋ، زەرتتەۋ جانە ناسيحاتتاۋ ماسەلەلەرى». سيمپوزيۋم بارىسىندا «ءحح-ححى عاسىرلاردىڭ قۇندىلىق پەن ماڭىزدىلىق كەڭىستىگىندەگى ا.ۆ.زاتايەۆيچتىڭ مۇراسى: عىلىم – مادەنيەت – قوعام» كىتابىنىڭ تۇساۋكەسەرى، «الپامىس باتىر» ەپوسى بويىنشا كوپۇلتتى نوميناسيا ساراپشىلارىنىڭ قورىتىندى كەزدەسۋى، تۇركى حالىقتارىنىڭ فولكلورلىق ەسكەرتكىشتەرىن باسىلىمى جونىندەگى حالىقارالىق توپتىڭ وتىرىسى كوزدەلگەن.
«بيىلعى جىل قازاق مادەنيەتى مەن مۋزىكاسىنىڭ اتاۋلى جىلى بولىپ سانالادى. بەلگىلى ەتنوگراف-عالىم ا.زاتايەۆيچتىڭ «قازاق حالقىنىڭ 1000 ءانى» جيناعى وسىدان ءبىر عاسىر بۇرىن جارىق كوردى. بۇل قازاق حالقى، ورتا ازيا، الەم ءۇشىن دە ۇلكەن مول مۇرا بولىپ قالدى. وسىنداي رۋحاني جاۋھار جادىگەرلەردى زەرتتەپ، زەردەلەپ، وسكەلەڭ ۇرپاققا ناسيحاتتاپ جەتكىزۋ كەرەك»، – دەدى م.و.اۋەزوۆ اتىنداعى ادەبيەت جانە ونەر ينستيتۋتى باس ديرەكتورى، ۇعا اكادەميگى ك.ءىسلامجان ۇلى.
