ەندى ەلىمىزدەگى ءاربىر توي باقىلاۋعا الىنۋى مۇمكىن. ياعني، اسابالار ادام ۇيالاتىن ويىندار ويناتىپ، ورىنسىز ءازىل ايتقانى ءۇشىن ايىپپۇل ارقالاۋى عاجاپ ەمەس. ءماجىلىس دەپۋتاتتارى تويدا ۇلتتىڭ ابىرويى مەن ءقادىرىن تۇسىرەتىن كورىنىستەرگە زاڭمەن تىيىم سالۋدى كوزدەپ وتىر، - دەپ حابارلايدى aqshamnews.kz ءتىلشىسى ينفورمبيۋرو 31-گە سىلتەمە جاساپ.
"زاڭنامالىق تۇرعىدا بۇعان ءبىر تىيىم نورمالارى بولۋى كەرەك دەپ ەسەپتەيمىن. سوسىن مىنا اقپارات جانە مادەنيەت مينيسترلىگىندە وسىنىڭ بارلىعىنا اناليز جاساپ وتىراتىن ولاردا مۇمكىندىك بولۋى كەرەك. نەشە ءتۇرلى كورىنىستەردىڭ بارلىعىن اناليز جاساپ، ولارعا جازا قولدانۋدىڭ ءوزى ادىلەتتى بولادى دەپ ويلايمىن. ايىپپۇل سالىنا ما وسى سەكىلدى جازانىڭ تۇرلەرى بولۋى كەرەك"، - دەدى ءماجىلىس دەپۋتاتى امانجول ءالتاي.
بۇگىنگىنىڭ تويىندا سارقىت ۇرلاعان، جالاڭاش جورعالاعان، شاپالاق سۇراعان اسابالارعا ءتىپتى تاڭ قالمايتىن بولدىق. تالاي تويدى باسقارىپ جۇرگەن سانات نۇرباي توي يەلەرى كوبىنە وسىنداي ويىنداردىڭ كوپ بولعانىن تالاپ ەتەدى دەيدى. ياعني، قازىرگى سۇرانىس وسىنداي ەكەن.
"توي يەسى وسىندي تالاپ قويعاننان كەيىن، ول اقشاسىن تولەگەننەن كەيىن وعان مىندەتتەيدى. سودان كەيىن اسابالار نە ىستەيدى. كوڭىلدى بولۋ ءۇشىن تويدىڭ يەسى سونداي تالاپ قويعاننان كەيىن، تويعا كەلگەن قوناقتار "ءبىزدى وينات كوڭىلىمىزدى كوتەر، ءبىز اسقا كەلگەن جوقپىز" توي يەسى حالىقتىڭ كوڭىلىنەن شىعۋ ءۇشىن اسابالار الگىندەي ويىندارعا بارادى. بۇل جەردە اسابالاردى كىنالاي بەرۋدىڭ قاجەتى جوق. بۇل جەردە سۇرانىسقا ۇسىنىس بولىپ تۇر"، - دەدى اسابا سانات نۇرباي.