الماتىدا 1-2 قاراشادا كەڭەيتىلگەن اۋىل شارۋاشىلىعى جارمەڭكەسى ءوتىپ جاتىر. قالا تۇرعىندارى مەن قوناقتارى شىعىس قازاقستان وبلىسىنىڭ فەرمەرلەرى مەن اۋىل شارۋاشىلىعى كاسىپورىندارىنان تىكەلەي بالعىن ءارى ساپالى ونىمدەردى قولجەتىمدى باعامەن ساتىپ الا الادى.
جارمەڭكە قازىبەك بي كوشەسىندە، ابىلاي حان داڭعىلىنان پانفيلوۆ كوشەسىنە دەيىنگى ارالىقتا ۇيىمداستىرىلعان جانە ساعات 08:00-دەن 17:00-گە دەيىن جۇمىس ىستەيدى.
ءىس-شارا بارىسىندا 50-دەن استام ءتۇرلى ءونىم ءتۇرى ۇسىنىلعان. ونىڭ ىشىندە ەت جانە ءسۇت ونىمدەرى، جەمىس-جيدەك پەن كوكونىس، تابيعي بال، شۇجىق ونىمدەرى، جارما، ۇن، وسىمدىك جانە مال مايلارى جانە باسقا دا تاعام تۇرلەرى بار.
جالپى ساتىلىم كولەمى شامامەن 400 توننا ءونىم. سونىڭ ىشىندە 120 تونناسى – ەت ونىمدەرى، 100 تونناسى – كوكونىس پەن جەمىس-جيدەك، 50 تونناسى – ءسۇت ونىمدەرى، ال قالعان 130 تونناسى – وزگە دە تاۋارلار.