الماتى اكىمى كەشكى ۋاقىتتا قالانىڭ كوشەلەرىن ارالاپ، ساندىك-ساۋلەتتىك جانە كوشەنى جارىقتاندىرۋ جۇيەسىنىڭ جۇمىسىن تەكسەردى.
جارىق ينفراقۇرىلىمىن دامىتۋ جۇمىستارى جايلى ءارى ءقاۋىپسىز قالالىق ورتا قالىپتاستىرۋعا باعىتتالعان كەشەندى باعدارلاما اياسىندا قولعا الىنعان. اسىرەسە، عيماراتتاردىڭ ساۋلەتتىك كوركەمدىگى مەن تۇرعىنداردىڭ كەشكى ۋاقىتتاعى قاۋىپسىزدىگىنە باسا نازار اۋدارىلعان. جوبا اياسىندا ەنەرگيا ۇنەمدەيتىن LED-جۇيەلەر مەن جارىقتى ينتەللەكتۋالدى باسقارۋ شەشىمدەرى ورناتىلىپ جاتىر. قازىرگى ۋاقىتتا اباي مەن دوستىق داڭعىلدارى جانە قونايەۆ كوشەسى بويىنداعى نەگىزگى نىسانداردا 21 عيماراتتىڭ جارىقتاندىرىلۋى اياقتالىپ، 1600-دەن استام زاماناۋي شام ورناتىلدى.
سونىمەن قاتار كوشە جارىعىن جاڭارتۋ جۇمىستارى دا جۇرگىزىلىپ جاتىر. تولەبايەۆ كوشەسىندە 97 ەسكى شامنىڭ ورنىنا جاڭا جارىقديودتى شامدار قويىلىپ، جارىق ساپاسى ارتتى، جۇرگىنشىلەر مەن جۇرگىزۋشىلەردىڭ قاۋىپسىزدىگى جاقساردى جانە ەنەرگيا تۇتىنۋ كولەمى ازايدى.
"سامال De Luxe" تۇرعىن كەشەنىنىڭ سىرتقى جارىقتاندىرۋ جۇمىستارى دا اياقتالدى. مۇندا ورناتىلعان 664 شام عيماراتتىڭ ساۋلەتتىك ەرەكشەلىگىن ايقىنداپ، كەشكى ۋاقىتتا وعان ەرەكشە كورىك بەردى.
نىسانداردى ارالاۋ بارىسىندا اكىم سىرتقى جارىق ساپاسىن ارتتىرۋدىڭ، زاماناۋي ءارى ەنەرگيا ۇنەمدەيتىن تەحنولوگيا ەنگىزۋدىڭ ماڭىزدىلىعىن اتادى. سونداي-اق ەستەتيكا، فۋنكسيونالدىق جانە ەكولوگيالىق تيىمدىلىكتى ۇشتاستىراتىن جارىق جۇيەسىن قالىپتاستىرۋ قاجەتتىگىن ايتتى. جارىقتاندىرۋ جەلىسىن جاڭعىرتۋ جۇمىستارى الداعى ۋاقىتتا دا ورتالىق كوشەلەر مەن تۇرعىن اۋدانداردا جالعاسادى.